Бэдзэогъум и 20-м къыщегъэжьагъэу и 26-м нэс шъхьэкуцIыр къэухъумэгъэным итхьамафэ Адыгэ Республикэм щэкIо.
Анахь пкъынэ шъхьаIэм чанэу Iоф егъэшIэгъэным унаIэ тетыныр илъэсыбэ бгъэшIэным изы амал. Ащ пае сыда шIэгъэн фаер?Щынагъо къызхэкIыщтхэм уалъыплъэнырЛъыдэкIуаер зэпымыоу пшынэу щыт. Сыда пIомэ а узыр уиIэми къэмышIэу мэхъу, ау инсультыр ыкIи щыгъупшэныр ащ къыхэкIых. Джащ фэдэу лъым хэлъ шъоущыгъум ыкIи холестериным уалъыплъэн фае.Гъомылапхъэр зэблэхъугъэнырЧэщ-зымафэм шъушхырэ щыгъур грамми 5-м нэсэу жъугъэмэкIэнэу щыт. Ар мымакIэу нэкулъхэм, соусхэм, консервэхэм, къуаем ахэлъ. Щыгъубэр – лъыдэкIуаем ыкIи лъынтфэ узхэм якъэкIуапI.Шэн дэйхэр щыгъэзыегъэнхэрТутыныр ыкIи шъон пытэхэр шъхьэкуцIым ипый дэдэх. Лъынтфэхэр, лъырыкIуапIэхэр ахэм акъузы, нейронхэр аукIых ыкIи шъхьэкуцIым ыкIышъо агъэгъу. Анахь шъон макIэми изэрар къэкIо. Арышъ, щыбгъэзыяпэмэ, илъэсипшI пчъагъэкIэ акъылыр ухъумэгъэщт.Чъыер ибгъэкъунырЦIыфым ичъые ригъэкъуныр шIэжьым, гукъэкIыжьым ягъэпытэн фэIорышIэ. Ащ дакIоу зэхэщэн IофшIэным (сурэтшIыным къыщегъэжьагъэу чъыгхатэм игъэтIысхьан нэсыжьэу) гум изытеткIэ мэхьанэ иI.ЗэдэгущыIэныр ыкIи еджэнырШъхьэкуцIыр жъы мыхъуным фэшI зэпымыоу акъылым Iоф ебгъэшIэнэу ыкIи социальнэ Iофтхьабзэхэм уахэлэжьэнэу щыт. Ащ пае курсхэм захэптхэн, тхылъеджапIэхэм уачIэхьан е уигупсэхэр, къыппэблагъэхэр нахьыбэрэ гущыIэгъу пшIынхэ фае.Зыщышъумыгъэгъупш! Зэхэубытэгъэ шIыкIэхэу зигугъу къэтшIыгъэхэр нэбгырэ пэпчъ зэпымыоу ыгъэфедэхэ зыхъукIэ, псауныгъэр пытэщт. ЗэхэугуфыкIыгъэ гупшысакIэр ыкIи ныбжьым емылъытыгъэу щымыгъупшэныр къызэтегъэнэгъэныр непэрэ зекIуакIэм къыщежьэ.Джульета Керим-Заде.АР-м псауныгъэр къэухъумэгъэнымкIэ и Министерствэ общественнэ псауныгъэмкIэ и Гупчэ зэпхыныгъэхэмкIэ ыкIи общественнэ проектхэмкIэ иотдел ипащ.