Кощхьэблэ район администрациер
Лъэпкъ проектэу «ГъэшIэ кIыхьэр ыкIи чаныр» зыфиIорэм къыдыхэлъытагъэу партиеу «Единэ Россиер» къыхэлажьэзэ Адыгеим псауныгъэр къэухъумэгъэнымкIэ ипсэуалъэхэу зэкIэми апэ цIыфхэр зэуалIэхэрэм ягъэкIэжьын тегъэпсыхьэгъэ программэр щылъагъэкIуатэ.
Ащ къыхиубытэу илъэсым ыкIэ нэс Кощхьэблэ районым ит къутырэу Игнатьевскэм амбулаториякIэ къыдэуцощт. Район администрацием къызэриIопщыгъэмкIэ, медицинэ учреждениякIэм ишIын мэхьанэшхо зиIэ зичэзыу уцугъом нагъэсыгъ. ПсэолъэшIхэм дэпкъхэр дащэегъахэх, шIоипсыр зыщыугъоигъэщтыр ыкIи псыр къызэрекIолIэщтыр агъэпсыгъэх. Охътэ благъэм плитэхэр тыралъхьажьыщтых. Социальнэ псэуалъэр хьазырэу атынэу загъэнафэрэр мы илъэсым ишэкIогъу маз ары.