АМ
КIэлэцIыкIубэ зиIэ унагъохэм ясабыйхэр ыпкIэ хэмылъэу хъэренэхэм арагъэсыщтых. Муниципальнэ гъэпсыкIэ зиIэ «Къалэу Мыекъуапэ» иадминистрацие макъэ къызэригъэIугъэмкIэ, мы Iофтхьабзэр мазэ пэпчъ иящэнэрэ бэрэскэжъые пчэдыжьым сыхьатыр 10-м къыщыублагъэу мафэм 2-м нэс рагъэкIокIыщт.
Щхыным иунэ ыкIи кIэлэцIыкIу къэлэжъыер ыпкIэ хэмылъэу сабыйхэм агъэфедэшъущтых, аттракционхэу Емелэм, Быбырэ къухьэжъыем, зыплъыхьэпIэ щэрэхъышхом, ХьампIырашъохэм, Мэз пшысэм, нэмыкIхэми арысышъущтых.— ЗэхэщакIохэр ны-тыхэм къяджэх якIэлэцIыкIухэр къызащэхэкIэ, ным е тым ипаспорт ыкIи сабыибэ зэряIэр, ахэм зэряIахьылхэр къэзыушыхьатыхэрэр аIыгъынэу. Янэжъ-ятэжъхэм къащэхэмэ, фэгъэкIотэныр зиIэхэм зэряIахьылхэр къэзыушыхьатыхэрэр, сабыйхэм ятхылъхэр къыздахьынхэ фае, — къеIопщы АР-м IофшIэнымрэ социальнэ хэхъоныгъэмрэкIэ и Министерствэ.