ЕсынымкIэ спорт зэнэкъокъу Адыгеим щыкIуагъ. ХэбзэухъумэкIо къулыкъу зэфэшъхьафхэм ялIыкIохэр ащ хэлэжьагъэх. Спортыр ящыIэныгъэ зэрэхэтым, апкъышъол зэрэпсыхьагъэм иуплъэкIун ар фэIорышIагъ.
ЕсыкIэ зэфэшъхьафхэмкIэ хэбзэухъумакIохэм заушэтыгъ. Метрэ 25-рэ ыкIи 50 фэдиз зикIыхьагъэр зэпачыгъ. Хэлажьэрэ пэпчъ ежь исэнаущыгъэ къыгъэлъэгъон ылъэкIыгъ. Джащ фэдэу командэмкIи заушэтыгъ. Зэнэкъокъум ыкIэм нахь лъэшыр къэнэфагъ. ЩынэгъончъэнымкIэ Федеральнэ къулыкъум и ГъэIорышIапIэу АР-м щыIэм илIыкIохэм апэрэ чIыпIэр ахьыгъ. УФ-м ошIэ-дэмышIэ IофхэмкIэ и Министерствэ АР-мкIэ и ГъэIорышIапIэ ятIонэрэ хъугъэ. УхъумэнымкIэ Федеральнэ къулыкъум щылажьэхэрэм ящэнэрэ чIыпIэр къыдахыгъ.