Росреестрэм Адыгэ РеспубликэмкIэ и ГъэIорышIапIэ иIофыгъо шъхьаIэхэм зэу ащыщ фэтэрыбэу зэхэт унэхэр ыкIи социальнэ мэхьанэ зиIэ псэуалъэхэу шъолъырым итхэр къэралыгъо кадастрэ учетым хэгъэуцогъэнхэр.
2026-рэ илъэсыр къызихьагъэм къыщыублагъэу фэтэрыбэу зэхэт унэ 15 къэралыгъо кадастрэ учетым хагъэуцуагъ.Псэуалъэмэ янахьыбэр Тэхъутэмыкъое районым итых — унэ 11 мэхъух, квадрат метрэ мин 85-рэ аубыты, къалэу Мыекъуапэ — уни 4, зэрэхъурэр квадрат метрэ мин 45-рэ.2026-рэ илъэсыр пштэмэ, непэрэ мафэм ехъулIэу псэупIэ фондэу къэралыгъо кадастрэ учетым хагъэуцуагъэр квадрат метрэ мини 130-рэ мэхъу — ащ фэдэ амалхэм яшIуагъэкIэ шъолъырым щыпсэурэ унэгъуабэм псэупIэмкIэ гумэкIыгъоу яIагъэр дагъэзыжьын алъэкIы.ЗыкI къэралыгъо кадастрэм иучет псэупIэр хагъэуцуагъэ хъумэ, фэтэрыбэу зэхэт унэм фэгъэхьыгъэ къэбар игъэкIотыгъэр атхы: фэтэр пчъагъэр, зыщымыпсэухэрэ унэхэр, зэкIэхэми зэдагъэпсэолъэрэ чIыпIэхэр, машинэ уцупIэу иIэхэр ыкIи нэмыкIхэр.«ЦIыфхэм ящыIэкIэ-псэукIэ нахьышIум фэщэгъэным, шъолъырым исоциальнэ инфраструктурэ хэхъоныгъэхэр егъэшIыгъэнхэм псэупIакIэхэр фэIорышIэх. Учетым унэхэр зыхагъэуцохэрэм, фэтэрмэ документ апыплъхьащтми, фэшъхьаф Iофхэр агъэцэкIэщтхэми, бэкIэ нахь IэшIэх мэхъу», – къыхигъэщыгъ Росреестрэм Адыгэ РеспубликэмкIэ и ГъэIорышIапIэ ипащэу ЕмыкI Мариет.Фэтэрыбэу зэхэт унэр кадастрэ учетым хагъэуцуагъэмэ зэбгъэшIэным пае Росреестрэм иэлектроннэ сервис зыфэбгъэзэн фае: «Оnlin шапхъэм илъэу амыгъэкощырэ мылъкум хэхьэрэ псэуалъэхэм афэгъэхьыгъэ къэбарыр зэхэзыфырэм». ЗыкI къэралыгъо реестрэм IэкIэлъ къэбарыр зэкIэ зигугъу къэтшIыгъэ сервисым къыпIэкIигъэхьащт. Псэуалъэм иадрескIэ къэбарым ишъыпкъагъэ ууплъэкIужьын амал ащ къеты.Ащ фэшъхьафэу, бгъэфедэн плъэкIыщт ЗэIухыгъэ кадастрэ картэр.«Джащ фэдэу псэуалъэм истатус ууплъэкIушъущт ЕГРН-м пылъ къэбарым укIэлъэIумэ. МФЦ-м иофисхэр ары зэфэхьысыжь къэбарым зыщыкIэлъэIухэрэр, къэралыгъо фэIо-фашIэхэм япортал бгъэфедэзэ, заявкэр электрон шIыкIэмкIэ птымэ хъущт», — къыIуагъ ППК-у «Роскадастрэм» икъутамэу Адыгэ Республикэм щыIэм ипащэу ХъокIо Аюбэ.