Къэралыгъо автоинспекциер
Джа цIэр зиIэ Iофтхьабзэр гъогу полицейскэхэм Джэджэ районым щызэхащагъ.
ЛъэсрыкIохэм ящынэгъончъагъэ гъогум щыгъэпытэгъэныр Къэралыгъо инспекцием ипшъэрылъ шъхьаIэхэм зэу ащыщ.Инспекторхэм анахьэу анаIэ зытырагъэтыгъэр гъогу-транспорт хъугъэ-шIагъэхэм лъэсрыкIохэр ахэмыфэнхэм фэшI зэрэзекIонхэ, шIэныгъэу аIэкIэлъынхэ фаер агурагъэIоныр ары.Iофтхьабзэр рекIокIыфэ полицейскэхэр бэхэм адэгущыIагъэх. Анахь къызэрыкIо шапхъэу щыIэхэр, ау мэхьанэ зиIэхэр агу къагъэкIыжьыгъэх: машинэхэр зэрыкIохэрэ гъогур зэрэзэпачыщт шIыкIэр. КIэлэцIыкIухэм адашIыгъэ зэдэгущыIэгъум анаIэ зытырарагъэдзагъэр гъэмэфэ зыгъэпсэфыгъохэр окIофэхэ гъогу зэпырыкIыпIэхэм, автомобильхэр зыщызекIохэрэм сакъыныгъэ къызщыхагъэфэныр ары.