Адыгеим и Къэралыгъо автоинспекцие иIофышIэхэм лъэпкъ проектым ипсэуалъэхэм ыкIи еджэпIэхэм апэмычыжьэу пхырыкIырэ гъогухэм арыщэгъэ сатырхэм язытет ауплъэкIугъ.
Автогъогоу «Къуаджэу Тэхъутэмыкъуай – поселкэу Отраднэр» зыфиIоу лъэпкъ проектэу «ЩыIэныгъэм пае инфраструктурэр» зыцIэм къыдыхэлъытагъэу зэтырагъэпсыхьагъэм, джащ фэдэу Тэхъутэмыкъое къоджэ псэупIэм дэт гурыт еджапIэхэу N 1-м ыкIи N 9-м уплъэкIунхэр ащырагъэкIокIыгъэх.ХэушъхьафыкIыгъэ техническэ амалэу ретрорефлектометр «Delta LTS-XL» зыфиIорэмкIэ гъогум рыщэгъэ сатырхэр къызэрэхэщыхэрэр полицейскэхэм ауплъэкIугъ.КIэуххэм къызэрагъэлъэгъуагъэмкIэ, еджапIэу N 1-м пэблэгъэ лъэсрыкIо зэпырыкIыпIэм гъэнэфэгъэ шапхъэхэр икъоу щагъэцэкIагъэхэп. Къыхагъэщыгъэ хэукъоныгъэхэм апкъ къикIыкIэ а гъогу Iахьым лъыплъэрэ организацием зэрифэшъуашэу ищыкIэгъэ сатырхэр рищэнхэу зэрэщытымкIэ унашъо фагъэхьыгъ.