Къэралыгъо автоинспекциер
Адыгеим зекIо къэкIогъэ унагъом икIэлэцIыкIоу зышъхьэ шъобж тещагъэ хъугъэм инспекторхэу МэщфэшIу Казбекрэ Алик Мамедовымрэ IэпыIэгъу фэхъугъэх.
АР-м и Къэралыгъо автоинспекцие игъогу патруль экипажэу къулыкъур Мыекъопэ районым иавтогъогу щызыхьыщтыгъэм гузэжъогъу хэфэгъэ хъулъфыгъэу IэутIэхэр зышIыщтыгъэм гу лъатагъ.ХэбзэухъумакIохэр ащ зекIуалIэхэм, зыгъэпсэфакIо яунагъокIэ къызэрэкIуагъэхэр, якIэлэцIыкIу бассейным зыщигъэпскIызэ, ышъхьэ зэригъэфыкъуагъэр къариIуагъ. Хъулъфыгъэм ежь сымэджэщым рищэжьагъ, ау машинабэ зэрыкIорэ ыкIи ымышIэрэ гъогум псынкIэу ар къызэрэщимыгъотыщтыр къыгурыIуагъ.Гузэжъогъу хэфэгъэ цIыфхэмкIэ такъикъ пэпчъ мэхьанэ зэриIэр полицейскэхэм къагурэIоти, нымрэ сабыимрэ патруль машинэм къырагъэтIысхьэхи, IэпыIэгъу псынкIэм ипэгъокIэу ращэжьагъэх.ПсынкIэ Iофэу къэсыгъэ медикхэм сабыир аратыгъ, апэрэ IэпыIэгъур а чIыпIэм щырагъэгъотыгъ, нэужым сымэджэщым нагъэсыгъ.Къэралыгъо автоинспекторхэмрэ врачхэмрэ акIуачIэ зэхэлъэу зэрэзекIуагъэхэм ишIуагъэкIэ кIэлэцIыкIум ищыIэныгъэкIэ щынагъор щыгъэзыягъэ хъугъэ. Джы ащ ипсауныгъэ зыпкъ еуцожьы, янэ-ятэхэм ярэзэныгъэ гущыIэхэр полицием иIофышIэхэм къалъагъэIэсыгъэх.НэкIубгъор зыгъэхьазырыгъэрIЭШЪЫНЭ Сусан.