Пшахъом хэтхэу волейболымкIэ зызыушэты зышIоигъо спортсменкэхэм ащ фэдэ амал яIагъ. Мыекъопэ районым ит Джэгоко гъэхъунэм зэнэкъокъур щыкIуагъ. Командэ 13 ащ къыугъоигъ. Лэбапэ, ТIуапсэ ыкIи Мыекъуапэ ахэр къарыкIыгъэх.
Хэлэжьагъэхэр аныбжьыкIэ купитIоу гощыгъагъэх: 2010 — 2011-рэ ыкIи 2012 — 2013-рэ илъэсхэм къэхъугъэхэр. Мы спорт лъэпкъым ишапхъэхэмкIэ, зы командэр нэбгыритIумэ къагъэпсы. Джэнчэтэ СултIан ыцIэ зыхьырэ спорт еджапIэу N 1-м зыщызыгъасэхэрэр купихэу хэлэжьагъэх. Ахэм ащыщэу тIур финалым зэдихьагъэх. Къуижъ Бэллэрэ Есения Оганесянрэ апэрэ чIыпIэр къыдахыгъ. Тыжьын медалыр къалэжьыгъ Мария Шабалинамрэ Виктория Кацубэрэ. Нахьыжъхэм якуп типшъашъэхэм хагъэунэфыкIырэ чIыпIэхэр къыщахьышъугъэп.