Сэнэхьат ухьазырыныгъэмкIэ шъолъыр программэу «Адыгеим и ЛIыхъужъхэр» зыфиIорэм иящэнэрэ едзыгъоу къызэранэкIыгъэм шъолъырым иэкономикэ игъэкIотыгъэу щызэрагъэшIагъ. Ветеранхэр мы уахътэм къэралыгъо гъэIорышIэным икъулыкъухэм ащыIэхэу яIэпэIэсэныгъэ ащыхагъахъо, ащкIэ зэрагъэгъотыгъэ шIэныгъэхэр агъэфедэх.
Программэм иящэнэрэ едзыгъо къыдыхэлъытагъэу АР-м экономикэ хэхъоныгъэмкIэ ыкIи сатыумкIэ иминистрэ игуадзэу Андар Руслъан проектым хэтхэм зэIукIэгъу адыриIагъ. ТапэкIэ муниципальнэ къулыкъушIэ хъущтхэм республикэм исоциальнэ-экономикэ хэхъоныгъэ илъэныкъохэм, къэралыгъо программэхэм япхырыщын ыкIи сатыумкIэ IэпыIэгъоу щыIэхэм нэIуасэ афишIыгъэх.— Адыгеим иэкономикэ изытет кIэкIэу къафэсIотагъ, ар ахэм тапэкIэ къафэфедэщт. Джы сатыу цIыкIум ыкIи иным афэгъэзэгъэ IэпыIэгъоу щыIэхэр, чIыпIэхэм хэхъоныгъэ зэрашIыщтыр ветеранхэм дэгъоу зэрагъэшIагъ, — къыIуагъ Андар Руслъан.Шъолъыр гъэIорышIэнымкIэ шIуагъэ къэзытырэ амалхэр нахь дэгъоу зэхашIыкIыхэ хъугъэ. Ветеранхэм агъотыгъэ шIэныгъэхэр зыдэщыIэхэ къулыкъухэм ащагъэфедэх.Шъугу къэдгъэкIыжьын, хэушъхьафыкIыгъэ дзэ операцием хэлэжьагъэхэр нэужкIэ къэралыгъо ыкIи муниципальнэ хэбзэ къулыкъухэм, къэралыгъо компаниехэм IэпэIэсэныгъэ, къулайныгъэ ахэлъэу Iоф ащашIэным фэгъэхьазырыгъэнхэм программэр тегъэпсыхьагъ. Ар едзыгъуиплIэу зэтеутыгъ, щыр аухыгъэу муниципальнэ къулыкъухэм ащыIэхэу яIэпэIэсэныгъэ хагъахъо. ШышъхьэIум яеджэн ияплIэнэрэ едзыгъо падзэжьыщт.IэшъынэСусан.