Батут спорт лъэпкъымкIэ «Дышъэ пкIэн» зыцIэ Урысые зэнэкъокъу къалэу Таганрог щыкIуагъ. Тикъэралыгъо испортсмен анахь лъэшхэр ащ къыщызэрэугъоихэ хабзэ. Мыгъэ нэбгырэ 250-мэ зыщаушэтыгъ, ахэр шъолъыр 13-мэ къарыкIыгъэх. Адыгеир къэзыгъэлъэгъуагъэр спортсмени 9.Илъэс 11 – 12 зыныбжь пшъэшъэжъыехэр зыхэтыгъэ купым зыщаушэтыгъ Екатерина Кузнецовам, Кира Алексеевам, Милинья Фрицлер ыкIи Арина Климовам. Москва, Ростов хэкухэм, Краснодар краим ялIыкIохэм уапэуцужьыныр хьылъагъэми, джэрз медалитIу тиспортсменкэхэм къахьыныр афызэшIокIыгъ.Илъэс 13 – 16 зыныбжьыхэм ахэтыгъэх Анастасия Климовар, Дарья Пахомовар ыкIи Екатерина Донскаяр. Адыгеим икомандэ мыщ апэрэ чIыпIэр къыщихьыгъ. Тренерхэу Анатолий Москаленкэм, Тимур Хадзуевым, Татьяна Тарасенкэм спортсменкэхэр агъасэх.