2023-рэ илъэсым ичъэпыогъу мазэ къыщегъэжьагъэу Урысые олимпиадэ комитетыр дунэе спортым щылажьэщтыгъэп, ащ къыхагъэкIыгъагъ.
Илъэсищым къэралыгъо быракъыр аIыгъэу, гимныр къырагъаIоу тиспортсменхэр дунэе зэнэкъокъухэм ахэлэжьэшъущтыгъэхэп. Джы ащ фэдэ амал яIэщт, ары пакIошъ, дунэе мэхьанэ зиIэ зэнэкъокъухэр Урысыем щызэхащэшъущтых. Мы тхьамафэм ащ фэдэ унашъо ышIыгъ Дунэе олимпиадэ комитетым, ар тарихъым хэхьащт хъугъэ-шIагъ.
Урысыем IэкIыб IофхэмкIэ и Министерствэ илIыкIоу Мария Захаровам къызэриIуагъэу, «Гупшысэ тэрэзыр текIуагъ. Дунэе спортыр Урысыем кIыгъоу щыIэщт!».
Спорт лъэпкъ зэфэшъхьафхэмкIэ федерацие 67-мэ язэнэкъокъухэм Урысыем испортсменхэр ахэлэжьэным ифитыныгъэ аужырэ мазэхэм къаратыжьыгъагъ. ОлимпиадэмкIэ Дунэе комитетым ышIыгъэ унашъом Урысыем испорт тхьаматэхэр бэрэ зэрежагъэхэр, зэдэлэжьэныгъэм зэрэфэхьазырхэр къыхагъэщыгъ. Тэ, спортыр зикIасэхэм, тиспортсменхэм ягъэхъагъэхэм тяжэ. Урысые быракъыр нахь лъэгэпIэ инхэм яшыхьатэу быбэтэнэу тыщэгугъы.