Кушъхьэфэчъэ спортымкIэ Урысыем и Первенствэ къалэу Пензэ щыкIуагъ. Зыныбжь илъэс 15 — 16-м нэсыгъэ спортсменхэм ащ зыщаушэтыгъ. Адыгеим икIыгъэ ныбжьыкIэхэм хагъэунэфыкIырэ чIыпIитIу къахьыгъ.
Апэрэ мафэм нэбгыритIу зэгъусэ къэчъэнымкIэ зызыушэтыгъэхэ Артем Невидомыимрэ Павел Балашовымрэ тыжьын медальхэр къалэжьыгъ. Апэрэ чIыпIэр Москва илIыкIохэм ахьыгъ. Омскэ хэкур къэзыгъэлъэгъуагъэхэр ящэнэрэ хъугъэх. ЗэкIэмкIи хэлэжьэгъагъэр командэ 17. Адыгеим испортсменитIу джыри зы гъэхъагъэ зэнэкъокъум щашIыгъ. Метрэ минитIу зикIыхьэгъэ гъогууанэр нахь псынкIэу къачъынымкIэ заушэтыгъ. Ащи Артем Невидомыимрэ Павел Балашовымрэ ятIонэрэ щыхъугъэх. Тикомандэ итренер Артем Бондаревыр.