IофшIэным икъэухъумэнкIэ я 11-рэ Урысые тхьамафэр чъэпыогъум и 7-м къыщегъэжьагъэу и 10-м нэс федеральнэ чIыпIэу «Сириусым» щыкIощт. ЦIыфхэм IофшIэн ягъэгъотыгъэнымкIэ ыкIи IофшIэныр щынэгъончъэу щытынымкIэ унэшъо гъэнэфагъэхэр рахъухьанхэм пае къэралыгъор, бизнесыр ыкIи экспертхэр а Iофтхьабзэм зэрипхыщтых.
Урысыем IофшIэнымкIэ и Министерствэ ащ изэхэщакIу, операторыр — Фондэу «Росконгресс» зыфиIорэр ары. ЗэхэщэкIо комитетым пэщэныгъэ дызэрехьэ Урысые Федерацием и Правительствэ и Тхьаматэ игуадзэу Татьяна Голиковам.
IофышIэхэм япсауныгъэ къэухъумэгъэныр ыкIи IофшIэнымкIэ ахэм амалэу яIэхэр нахьышIу шIыгъэнхэр ары мурад шъхьаIэу Iофтхьабзэм къыдилъытэрэр. «Социальнэ лъэныкъом фытегъэпсыхьэгъэ технологиехэр гъэфедэгъэнхэр —лъэпкъ гухэлъхэр пхырыщыгъэнхэмкIэ амалышIух» — ары темэ шъхьаIэу мы зэхахьэм иIэр.
Ащ хэлэжьэнэу фаехэм Фондым иофициальнэ сайт и ЗыкI унэе кабинет защарагъэтхын фае. Ащ нэужым электрон почтэмкIэ письмэу къаIэкIэхьащтым логинымрэ паролымрэ итыщтых.Iофтхьабзэм фэгъэхьыгъэ къэбарыр мыщ фэдэ гупчэм къыщызIэкIэжъугъэхьан шъулъэкIыщт: +7(495)640-78-27, info@rusafetyweek.com.
Официальнэ сайтэу программэр зэрытыщтыр: -https://rusafetyweek.com/?utm_source=adygea&utm_medium=organic&utm_campaign=site_vnot2026.Тхьамафэу щыIэщтымкIэ къэбархэр мыщ ижъугъотэщтых: https://disk.yandex.ru/d/ohQg6pF_XZ9rbw.