Лъэпкъ культурэхэм я Гупчэу ПсышIуапэ дэтым икIэлэцIыкIу къэшъокIо ансамблэу «Адыгэхэр» зыфиIорэм итекIоныгъэхэм ахигъэхъуагъ.
Хореографэу Хъущт Фатимэрэ балетмейстерэу Гъуашъо Юрэрэ агъасэхэрэм лъэпкъ къашъом и Урысые зэнэкъокъоу «ТипсынэкIэчъхэр» зыфиIоу Ростов-на-Дону щыкIуагъэм дэгъу дэдэу зыкъыщашIыгъ.
Гупчэм къызэрэщаIуагъэмкIэ, зэнэкъокъум илъэныкъуи 10-мэ Урысыем икIэлэцIыкIу куп 22-рэ ахэлэжьагъ, ахэм лъэпкъ культурэр къэзыгъэбаирэ номери 125-рэ къашIыгъ.
— «Адыгэмэ» къашIыгъэ къэшъуиплIыри — «Абхъаз къашъор», «Лъапэрысэр»,«ЛъапэчIасэр» ыкIи «Зыгъэлъатэр» — а I-рэ шъуашэ зиIэ дипломхэмкIэ къыхагъэщы-гъэх, — къыщаIотагъ Гупчэм. — ОсэшIмэ ыкIи залым чIэсыгъэмэ анахь агу рихьыгъэр ижъырэ адыгэ лъэпкъ къашъоу «Лъапэрысэр» ары. Ащ пае тикъэшъуакIохэм хэушъхьафыкIыгъэ кубокымрэ дипло-мэу «Анахь къэшъо дэгъу» зыфиIорэмрэ къафагъэшъошагъэх. Джащ фэдэу творче-скэ купым ахъщэ грантрэ къалэу Казань рыкIонхэу сертификатрэ къаратыгъ. Фестивалым хэлэжьагъэхэм ыкIи япащэхэм яфэшъуашэу къалэжьыгъэ текIоныгъэмкIэ тафэгушIо!