АкIэгъумэ яспорт унагъоу къуаджэу Псыбэ щыщхэу, аужырэ илъэсиплIым Ямало-Ненецкэ автоном шъолъырым ит къалэу Надым щыпсэухэрэм ягъэхъагъэхэмкIэ тагъэгушIо.
БэмышIэу Камиллэ дзюдомкIэ Урысыем изэнэкъокъу ащытекIуагъ. КIэлэцIыкIу спорт еджапIэу «Лидер» зыфиIорэм щылэжьэрэ Оруджовхэу Ниджатрэ Полинэрэ агъэсэрэ пшъэшъэжъыеу илъэс 15 нахь зымыныбжьыр хэгъэгум идзюдоисткэ анахь дэгъоу Урысые зэнэкъокъоу къалэу Саратов щыкIуагъэм щыхахыгъ. «Протон-Аренэм» иалырэгъу Москва, Санкт-Петербург ыкIи федеральныэ шъолъыриймэ къарыкIыгъэ командэ 11 щызэнэкъокъугъ. Турнирым зэкIэмкIи спортсмен 295-рэ хэлэжьагъ, ахэр Урысыем исубъект 57-мэ ащыщыгъэх.
Уральскэ федеральнэ шъолъырым икомандэу АкIэгъу Камиллэ зыхэтыгъэм текIоныгъэр къыдихыгъ. ЯтIонэрэ чIыпIэр — Къыблэ, ящэнэрэр — Гупчэ ыкIи Приволжскэ федеральнэ шъолъырхэм якомандэхэм ядзюдоисткэ ныбжьыкIэхэм аубытыгъэх.
Камиллэ испорт гъогу урыгушхо хъущт, ар урысые зэнэкъокъу инхэу къалэхэу Новосибирскэ, Тюмень, Челябинскэ ащыкIуагъэхэм, джащ фэдэу Уральскэ шъолъырым щызэхащагъэм ахэлэжьагъ ыкIи текIоныгъэхэр къащыдихыгъ.