БоксымкIэ Къыблэ федеральнэ шъолъырым изэнэкъокъу Краснодар щыкIуагъ. Шъолъыриблым къарыкIыгъэ нэбгыришъэ ащ хэлэжьагъ. Спортсмени 6-мэ Адыгеир къагъэлъэгъуагъ.
Килограмм 57-рэ къэзыщэчырэ купым хэтэу апэрэ чIыпIэ къыхьыгъ София Максютэ. ТекIоныгъэм фэкIогъэ гъогур псынкIагъэп. Астрахань хэкум къикIыгъэ Даяна Нанарновам апэ рингым дихьагъ, финалым Краснодар краим илIыкIоу Таисия Бородинам текIожьыгъ. Мыщ фэдэ гъэхъагъэм ишIуагъэкIэ боксымкIэ Урысые чемпионатым хэлэжьэн фитыныгъэ Софие къыдихыгъ. АР-м изаслуженнэ тренерэу Григорий Бегларян пшъашъэр егъасэ.