2025-рэ илъэсым шэкIогъум и 28-м аштэгъэ Федеральнэ законэу N 443-р зытетымкIэ Федеральнэ законэу «Урысые Федерацием игражданхэу Урысые Федерацием ыпашъхьэ гъэхъэгъэ ин дэдэхэр щызиIэхэм мазэ къэс ахъщэ тедзэ ятыгъэным ехьылIагъ» зыфиIорэм иа 1-рэ, ия 2-рэ статьяхэм, Федеральнэ законэу «Страховой пенсиехэм яхьылIагъ» зыфиIорэм зэхъокIыныгъэхэр афашIыгъэх.
Ахэм къызэращыдэлъытагъэмкIэ, ыныбжь илъэсрэ ныкъорэм нэсыфэ сабыим къызэрэдекIокIыхэрэ уахътэр 2026-рэ илъэсым щылэ мазэм и 1-м къыщегъэжьагъэу страховой стажым афыхалъытэщт, унэе пенсионнэ коэффициентыр афагъэнафэ зыхъукIи ар къыдалъытэщт. Страховой пенсие къызэратынэу фитыныгъэ зиIэхэр агъэнафэхэ зыхъукIэ, ным е тым е сабыир зыпIунэу зыштагъэм а уахътэр къафыдалъытэн алъэкIыщт.Пенсиехэр икIэрыкIэу къызыфалъытэжьыщтхэр лъэIу тхылъхэмрэ документхэмрэ языхьылIэхэрэр ары. Урысые Федерацием пенсионнэ, социальнэ страхованиемкIэ и Фонд IэкIэлъ къэбархэри ащкIэ къызфагъэфедэнхэ алъэкIыщт. ЛъэIу тхылъыр заштагъэм къыкIэлъыкIорэ мазэм иапэрэ мафэ щегъэжьагъэу пенсием къафыхагъэхъощт.