Лъытэныгъэ зыфэтшIырэкIалэхэмрэ пшъашъэхэмрэ!
НыбжьыкIэхэм я МафэкIэ тышъуфэгушIо!Мы мэфэкIыр тихэгъэгу къырыкIощтыр зэлъытыгъэхэм, чаныгъэм, ренэу ыпэкIэ узэрэлъыкIотэн, чыжьэу кIорэ гухэлъхэр пхырыпщын зэрэфаем ятамыгъэу щыт. Уахътэ зытешIэкIэ пшъэрылъышхохэр зэшIозыхын, Урысыем хэхъоныгъэ зэришIыщт гъогур къыхэзыхын фаеу хъущтхэр ныбжьыкIэхэр ары. КIочIэшIоу шъузэрэщытыр, шъуапэкIэ шъузэрэплъэрэр, зэхъокIыныгъэхэм шъузэрафэхьазырыр ары щыIэныгъэм илъэныкъо пстэуми — наукэмрэ техникэмрэ къащегъэжьагъэу искусствэмрэ предпринимательствэмрэ анэсыжьэу — шъуащылъыкIотэн шъозыгъэлъэкIырэр.НыбжьыкIэхэм афэгумэкIыгъэныр Адыгэ Республикэм ынаIэ анахьэу зытыригъэтыхэрэм зэу ащыщ. НыбжьыкIэ пэпчъ тызэрэфэгумэкIырэр зэхишIэнымкIэ, гъэсэныгъэ дэгъу зэригъэгъотынымкIэ, ыгукIэ зыфэщэгъэ Iофыр къыгъотынымкIэ, ыпэкIэ шIу къызэрэпыщылъым ицыхьэ телъынымкIэ тфэлъэкIырэр зэкIэ тэшIэ. КIалэхэмрэ пшъашъэхэмрэ гъэсэныгъэ зызэрагъэгъот нэуж Адыгеим щылъыкIотэнхэмкIэ, республикэм иэкономикэ зыкъырагъэIэтынымкIэ, тишъолъыр исоциокультурнэ, иобщественнэ-политическэ щыIэныгъэ чанэу хэлэжьэнхэмкIэ ищыкIэгъэ амалхэр ядгъэгъотыныр типшъэрылъ шъхьаIэхэм ащыщ.Мы мэфэкI мафэм тиреспубликэ щыпсэурэ ныбжьыкIэ пстэуми тафэлъаIо тшIоигъу гухэлъышIоу яIэхэм япхырыщынкIэ пытагъэ къызхагъэфэнэу, шъыпкъагъэ ахэлъынэу, пшъэдэкIыжь зэрахьырэр икъоу зэхашIыкIынэу, агу дунаим фызэIухыгъэнэу, ренэу зыхагъэхъонэу! Къышъуфэшъыпкъэ ныбджэгъухэр, акъылэгъу Iушхэр сыдигъуи шъуерэгъогогъух, шъуиныбжьыкIэгъу хъугъэ-шIэгъэ гъэшIэгъонхэмкIэ, гукъэкIыжь дахэхэмкIэ орэбай!Ныбджэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, шъуихэку гупсэрэ Хэгъэгумрэ нахь фэшIыгъэ хъунхэм пае гухэлъышIоу шъуиIэхэр къыжъудэхъунэу шъуфэтэIо!Адыгэ Республикэм и ЛIышъхьэу,Урысые политическэ партиеу «Единэ Россием» и Адыгэ шъолъыр къутамэ и СекретарэуКъумпIыл МуратАдыгэ Республикэм и КъэралыгъоСовет — Хасэм и ТхьаматэуВладимир Нарожнэр