Къэбэртэе-Бэлъкъар Республикэм щыщ альпинисткэу Пекъэ Алинэ Гиннесс ирекордхэм я Тхылъ официальнэу дэхьагъ. Дунаим щызэлъашIэрэ къушъхьэ анахь лъэгэ 14-у метрэ миниим ехъу зэрылъхэм зэкIэми ар адэкIоягъ. Къалэу Налщык щыщ адыгэ пшъашъэм гъэхъэгъэшхоу ышIыгъэр тыди щызэлъашIагъ, дунэе альпинизмэм чIыпIэшхо щиубытыгъ.
Алинэ унэгъо къызэрыкIо къихъухьагъ. Ащ ятэжъ кавказ къушъхьэхэм афэгъэхьыгъэу къэбарыбэ къыфиIуатэщтыгъ, ахэр пшъэшъэжъыем ыгу риубытэщтыгъэх. ЕджапIэм дэгъу дэдэу щеджагъ, атлетикэ псынкIэм пылъыгъ, ау сыдигъуи лъагэм зыIэпищэщтыгъ. Илъэс 14 ыныбжьэу апэрэу лъэныкъоу «скалолазание» зыфиIорэм зыщиушэтыгъ, ащыгъум тренерхэм алъэгъугъ адыгэ пшъашъэр рэхьатэу, ухьазырыныгъэ дэгъу IэкIэлъэу ипшъэрылъ зэригъэцакIэрэр.Илъэс 16 ыныбжьэу къушъхьэу Эльбрус дэкIоягъ. А уахътэм Алинэ рекордхэм ягупшысэщтыгъэп, зиушэтыжьынэу фэягъ. Ащыгъум къушъхьэ шыгум нэсыныр къин къыщыхъугъ, ау къызэкIэкIуагъэп, зыфигъэуцужьыгъэ пшъэрылъыр ыгъэцэкIагъ. Ащ къыкIэлъыкIуагъэх къушъхьэу Казбек, Лениным ыцIэ зыхьырэ лъэгапIэр. Мыщ дэжьым Алинэ къыгурыIуагъ къушъхьэхэм уадэкIоеныр ищыIэныгъэ хэпчын умылъэкIыщт изы Iахь зэрэхъугъэр. Ны-тыхэри ащ къеуцолIагъэх.Зилъэгагъэ метрэ миниим ехъурэ къушъхьэхэм зэкIэми адэкIоеным илъэсипшI ыхьыгъ. Алинэ ахэм игъорыгъоу зафигъэхьазырыгъ, ащкIэ IэпыIэгъу къыфэхъугъэх IэпэIэсэныгъэшхо зиIэ гидхэр. Джащ фэдэу Тибет икъушъхьэхэм защигъэхьазырыгъ, жьы къызэрэпщэн фаем ыкIи психологическэ зыпкъитыныгъэм анахьэу ынаIэ атыригъэтыгъ.Эверест дэкIоеныр Алинэ къин дэдэ къыщыхъугъ. 2019-рэ илъэсым ащ ышыгу нэсынкIэ метришъэ горэ къэнагъэу осым зыкъыпхъотагъ, ащ къыхэкIыкIэ къагъэзэжьынышъ, ом изытет зыпкъ еуцожьыфэ мэфитфэ ежэнхэ фаеу хъугъэ. Ау ари къыдэхъугъ.Анахь къин зытырилъэгъуагъэр къушъхьэу Нангапарбат ары. Алинэ къызэриIуагъэмкIэ, метрэ 8000 къызэринэкIыгъэу чIыпIэ къин ифагъ, мыщ дэжьым зыми фэмыежь хъугъэ. Гъогур къязыгъэлъэгъущтыгъэ непальцэу ягъусагъэм мыщ дэжьым ишIогъэшхо къыгъэкIуагъ, зынэсынхэ фаеми екIолIагъэх. Мыщ ыуж илъэсныкъо тешIагъэу лъэгэпIэ анахь инхэмкIэ аужырэ я 14-рэ чIыпIэу Макала кIуагъэ, ащи дэкIоягъ. 2026-рэ илъэсым, мэлылъфэгъум илъэс 28-рэ ыныбжьэу Алинэ дунэе рекорд ыгъэуцугъ.Непэ Алинэ Урысыем ыкIи Непал ащэпсэу. Ащ альпинист ныбжьыкIэхэр егъасэх, къушъхьэхэм щынэгъончъэу уащызекIон зэрэфаем фэгъэхьыгъэ блог зэхищагъ. Гъэхъэгъэшхо зышIыгъэ адыгэ пшъашъэм ыцIэ Налщык иурамхэм ащыщ фаусыныр бэхэм игъоу алъэгъугъ. Рекордсменкэм зигъэпсэфын ыкIи пшъэшъэ къызэрыкIом мы пстэури къыдэхъун зэрилъэкIыгъэр къизыIотыкIырэ тхылъ ытхын гухэлъ иI.