Спорт гимнастикэмкIэ Урысые зэнэкъокъоу «Черноморская чайка» зыфиIорэр къалэу Шъачэ щыкIуагъ. Къэралыгъом ишъолъыр 14-мэ къарыкIыгъэ спортсменишъэ фэдизмэ ащ зыщаушэтыгъ.
Адыгеир турнирым къыщагъэлъэгъуагъ олимпийскэ резервым испорт еджапIэу В.С. Максимовым ыцIэ зыхьырэм зыщызыгъасэхэрэ Камилла Стребковам, Кристина Оробцовам, Алиса Сотниковам, Василиса Сергеевам ыкIи Юлия Массоваям. Типшъашъэхэм ащыщэу хагъэунэфыкIырэ чIыпIэ къыдэзыхын зылъэкIыгъэр Камилла Стребковар ары, ащ джэрз медаль къыфагъэшъошагъ.