Россельхознадзорым и ГъэIорышIапI
Мэкъуогъум и 10-м Россельхознадзорым Къыблэ шъолъырымкIэ и ГъэIорышIапIэ Адыгэ Республикэм хэгъэгу кIоцI IофхэмкIэ и Министерствэ и Къэралыгъо автомобиль инспекцие игъэIорышIапIэ иIофышIэхэр ягъусэхэу IофшIэгъу дэкIыгъо яIагъ.
Iофтхьабзэр зыфытегъэпсыхьагъэр фитосанитарнэ уплъэкIунхэр шIыгъэнхэр, карантин сертификат зыпымылъ продукциер ыкIи хьылъэзещэ машинэхэу идентификационнэ номер зимыIэхэр къызэтегъэуцогъэнхэр, мы лъэныкъомкIэ хэбзэгъэуцугъэр зыукъохэрэр къыхэгъэщыгъэнхэр ары.УплъэкIунэу зэхащагъэхэм къакIэлъыкIоу мэкъуогъум и 10-м мафэм сыхьатыр 12-м къыщегъэжьагъэу 4-м нэс федеральнэ мэхьанэ зиIэ автомобиль гъогоу «Мыекъуапэ — Бжъэдыгъухьабл — Адыгэкъал — Усть-Лабинск — Кореновск» зыфиIорэм Къэралыгъо автомобиль инспекцием иIофышIэхэм хьылъэзещэ машинэ 20 фэдиз къыщагъэуцугъ ыкIи ауплъэкIугъ. Карантин сертификат зыпымылъ продукциер зэращэу агъэунэфыгъэп.Шъугу къэтэгъэкIыжьы, Федеральнэ унашъоу 2014-рэ илъэсым бэдзэогъум и 21-м аштагъэм къызэригъэнафэу, «КъэкIыхэрэм якарантин ехьылIагъ» зыфиIорэм къызэригъэнафэу, фитосанитарнэ уплъэкIунхэм къадыхэлъытагъэу карантин сертификат пымылъэу продукцие хьылъэзещэ машинэхэм зэращэнхэ фитыщтхэп.ШъунаIэ тешъудз, карантин зытелъ продукциеу щынагъо къэзытырэ амброзиер хэлъэу къезыщэкIырэ хьылъэзещэ машинэхэм лэжьыгъэр къакIэмытэкъуным фэшI ятехническэ зытет тэрэзын фае, амыгъэунэфыгъэ чIыпIэхэм ар ащаратэкъухэ хъущтэп.Россельхознадзорым Къыблэ шъолъырымкIэ и ГъэIорышIапIэуАдыгэ Республикэм щыIэм иотдел икъэралыгъо инспектор шъхьаIэуГъукIэлI Рустам.