Тхылъыр — шIэныгъэм иIункIыбз

Адыгэ хэку ныбжьыкIэ тхылъеджапIэр Адыгэ хэкум инароднэ депу­татхэм я Совет игъэцэкIэкIо комитет иунашъокIэ мэкъуогъум и 1-м 1986-рэ илъэсым къыткIэхъухьэхэрэр тхылъеджэным фэщэгъэнхэм тегъэпсыхьагъэу къызэIуахыгъагъ.

Мыр щыIэ хъуным ыкIи шIуа­гъэ къытэу гъэпсыгъэным илъэ­сыбэрэ дэлэжьагъ тхылъеджапIэм иапэрэ пэщагъэу Мыгу Ме­лэч. Бзылъфыгъэ чаным тхылъеджапIэр щыIэ хъунымкIэ, лъапсэ егъэшIыгъэнымкIэ, ищыкIагъэр егъэгъотыгъэнымкIэ, фондыр зэгъэуIугъэнымкIэ Iофы­шхо ышIагъ. IофышIэхэр къы­хэ­хыгъэнхэм ыкIи хэти ифэшъошэ чIыпIэм щыIэным ащ лъэшэу ынаIэ тетыгъ. Игъэхъагъэхэм яшы­хьатэу 2001-рэ илъэсымМ. Мыгум щытхъуцIэу «АР-м куль­турэмкIэ изаслуженнэ IофышI» зыфиIорэр къыфагъэ­шъошагъ.1988-рэ илъэсым щылэ мазэм и 1-м тхылъеджапIэм къеуалIэ­хэрэм япчъагъэ мини 3-м шIо­кIыгъагъ. Ахэм апае еджэпIэ унэр, абонементыр, методикэ-­библиографическэ отделыр, нэ­мыкIхэри къызэIуахыгъагъэх. ТхылъеджапIэр ипшъэрылъ фэшъыпкъэу Урысые зэнэкъокъу­хэм, нэмыкI Iофтхьабзэхэм ахэ­лажьэщтыгъ. Мыекъуапэ иеджапIэхэм якIэлэеджакIохэр ахэм къахагъэлажьэщтыгъэх, цIыф гъэшIэгъонхэм, научнэ Iо­фышIэшхохэм, артистхэм, заом иветеранхэм аIуагъакIэщтыгъэх.1998-рэ илъэсым къыщегъэ­жьагъэу республикэ ныбжьыкIэ тхылъеджапIэм Къыкъ Бэлэ ипэщагъ, 2007-рэ илъэсым ащ щытхъуцIэу «АР-м культурэмкIэ изаслуженнэ IофышI» зыфиIорэр къыфагъэшъошагъ. 2000-рэ илъэсхэм якъежьапIэм еджапIэм зэхъокIыныгъэшIухэр фэхъугъэх, компьютернэ технологиехэмкIэ отделыр, краеведениемкIэ ыкIи IофшIэн жъугъэмкIэ секторхэр иIэ хъугъэх. Анахьэу тхылъ­еджапIэм Iоф зыдишIэрэр ныбжьыкIэхэм яхэгъэгу шIу алъэгъоу, цIыфыгъэ ахэлъэу пIугъэн­хэр ары. Ащ фытегъэпсыхьэгъэ патриотическэ клуби иI.2003-рэ илъэсым къыщыублагъэу тхылъеджапIэр республикэ ыкIи Урысые форумхэр зыщызэхащэхэрэ гупчэ хъугъэ, къэра­лыгъо программэм иплан къы­зэрэдилъытэу Iофышхо егъэ­ца­кIэ. 2009-м Адыгэ республикэ ныбжьыкIэ тхылъеджапIэм апэрэ Урысые шIэныгъэ-практическэ конференциеу «Деятельность библиотек по популяризации символов РФ» зыфиIорэр щыкIуагъ, ащ УФ-м культурэмкIэ и Министерствэ илIыкIохэр ыкIи къэралыгъом ишъолъыр зэфэшъхьафхэм къарыкIыгъэхэр хэ­лэжьагъэх. Илъэс къэс зэхащэрэ Дунэе конференциеу «Че­рез библиотеки — к будущему» зыфиIорэми чанэу зы­къыщегъэ­лъагъо. Илъэс 15 фэ­диз хъу­гъэу мы тхылъеджапIэм пэщэныгъэ дызэрехьэ ХьакIэмызэ Мадинэ. Тхылъ­еджапIэр джырэ уахътэм диштэу зэтегъэпсыхьагъ.Джырэ мафэхэм республикэ ныбжьыкIэ тхылъеджапIэм ифонд пкъыгъо мин 90-м ехъумэ къагъэпсы. Илъэс къэс ащ нэбгырэ мин 15 къеуалIэ, ахэм зы­фэе тхылъхэр, документхэр аратых. Ежь тхылъеджапIэм иIофышIэхэми ахэхъуагъ, нэбгы­рэ 25-м ехъугъ. Ахэм япшъэ­рылъхэр дэгъоу зэрагъэцакIэхэ­рэм ишыхьатэу щытхъу тхылъхэмкIэ, ахъщэ шIухьафтынхэмкIэ пчъагъэрэ хагъэунэфыкIыгъэх.Непэ тхылъеджапIэм коллектив зэгурыIожь иI, IофышIэхэм зэфэдэу япшъэрылъ ин зэшIохыгъэным, тхылъым илъэпIэгъэ-­IэшIугъэ тхылъеджэхэм апкъырылъхьэгъэным лъэшэу анаIэ тырагъэты. КъафэкIох колледж­хэм ыкIи гурыт еджапIэхэм аще­джэхэрэр, ахэлажьэх ахэр Iофтхьэбзэ зэфэшъхьафхэм. Щэч хэлъэп непи тхылъыр шIэ­ны­гъэм иIункIыбзэу къызэрэнэ­жьырэм.ЗимэфэкI хэзыгъэунэфы­кIыгъэ Адыгэ республикэ ныбжьыкIэ тхылъеджапIэм гъэхъагъэхэр иIэу, ыпэкIэ дахэу лъыкIотэнэу фэтэIо.