УЛъэпкъ гвардием и ГъэIорышIапI.
УФ-м и Лъэпкъ гвардие и ГъэIорышIапIэу АР-м щыIэм и ОМОН-у «Фыщт» икъулыкъушIэхэм цIыф зэрымыс быбырэ пкъыгъуакIэхэр аушэтыгъэх.
Хъугъэ шъыпкъэм фэдэу агъэпси, джырэ технологиякIэхэр къулыкъушIэным шIуагъэ къыхьэу зэрэщагъэфедэщтхэм зыкъегъэIэтыгъэным тегъэпсыхьэгъэ Iофтхьабзэр зэхащагъ. ОМОН-м ихэушъхьафыкIыгъэ отделение испециалистхэм агъэхьазырыгъэ быбырэ пкъыгъохэр псынкIэу дэбыбэенхэ зэралъэкIырэр, хьылъэу аIэтырэр зыфэдизыр, зэпхыныгъэ амалэу яIэхэр ауплъэкIугъэх.Джащ фэдэу ом изытет къызыщызэIыхьэрэм ыкIи разведкэмкIэ, лъыхъонымкIэ зэо пшъэрылъхэр агъэцакIэхэ зыхъукIэ цIыф зэрымыс пкъыгъохэр зэрагъэIорышIэщт шIыкIэм росгвардейцэхэм анаIэ тырагъэтыгъ.Урысые гвардием иподразделениехэм яIофшIэнкIэ быбырэ пкъыгъохэм ясистемэхэр гъэфедэгъэнхэмкIэ IэпэIэсэныгъэу агъотыгъэм ишIуагъэ къэкIощт.Шъугу къэдгъэкIыжьын, УФ-м зыкъэухъумэжьынымкIэ и Министерствэ цIыф зэрымыс быбырэ пкъыгъохэм (БПЛА) ядзэхэм ягъэпсын икIыгъэ илъэсым ыкIэхэм ригъэжьагъ. Зэзэгъыныгъэ шIыкIэм тетэу къулыкъур зыхьынэу шIоигъоныгъэ зиIэхэу Мыекъуапэ щыпсэухэрэм дзэ комиссариатэу ащ дэтым зыщарагъэтхышъущт. УпчIэ зиIэхэм зыздагъэзэшъущтыр: къ. Мыекъуапэ, ур. Комсомольскэр, 217-рэ, я 119, 102-рэ кабинетхэр е телефонхэу: 8 (8772) 52-11-27, 52-11-25. Зэзэгъыныгъэ шIыкIэкIэ къулыкъу зыхьы зышIоигъохэм апае линие плъырыр: 117#4 ыкIи 8 (8772) 52-11-28.Джащ фэдэу шъузщыпсэурэ чIыпIэм щыIэ дзэ комиссариатым зыфэжъугъазэмэ, шъуищыкIэгъэ къэбарыр яжъугъотылIэщт. Телеграм-каналэу «Адыгея — Служу Родине» зыфиIорэм игъэкIотыгъэ къэбарыр ижъугъотэщт.