Обществэу «ШIэныгъ»
Хьыкум приставхэм я Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэм апае обществэу «ШIэныгъэм» илIыкIо «Урысыем къолъхьэ тын-Iыхыным пэшIуекIорэ политикэу щызэшIуахырэм илъэныкъо шъхьаIэхэр» зыфиIорэмкIэ лекцие къеджагъ.
Дмитрий Довгополовыр – къалэу Элиста иадминистрацие ипащэ игуадзэр, тарихъ шIэныгъэхэмкIэ кандидатыр, республикэ зэнэкъокъоу «Къалмыкъым илъэсымкIэ икIэлэегъэджэ анахь дэгъу – 2019» зыфиIорэм текIоныгъэр къыщыдэзыхыгъэр ары лекторэу къекIолIэгъагъэр.Тихэгъэгу къолъхьэ тын-Iыхыным пэуцужьыгъэнымкIэ политикэу щызэрахьэрэм илъэныкъо шъхьаIэхэр ары анахьэу ар къызщыуцугъэр, хэбзэукъоныгъэхэу а лъэныкъомкIэ зэрахьэхэрэр къыхэгъэщыгъэнхэмкIэ, ахэм апэшIуекIогъэнымкIэ Iофтхьэбзэ заулэхэми къатегущыIагъ.Лекцием икIэухым къекIолIагъэхэм анахьэу анаIэ зытырадзэгъэ упчIэхэм Дмитрий Довгополовым джэуапхэр къаритыжьыгъ.