Мэкъуогъум и 28-м республикэ ипподромым шыгъачъэ щыкIощт. Физическэ культурэмрэ спортымрэкIэ шъолъыр Комитетымрэ шыхъуным пылъхэм я Ассоциациерэ ащ кIэщакIо фэхъугъэх.
Шыгъачъэр къэчъэгъуихэу гощыгъэщт. Гъогууанэхэри зэфэшъхьафыщтых. Мы псэушъхьэр зикIасэхэм шы лъэпкъышIу зэмылIэужыгъохэри щалъэгъущт. Апэрэу Iофтхьабзэм хэлэжьэщт ахалтекинскэ шы лъэпкъыр. Къэчъэгъухэм яплъынэу къакIохэрэм нэмыкI къэгъэлъэгъонхэри къяжэх. Лъэпкъ IэпэIасэхэм яIэшIагъэхэр къырахьылIэщтых. ШIоигъоныгъэ зиIэхэм ахэр къызIэкIагъэхьашъущтых. Сабыйхэр зыщыджэгущт, шхэпIэ чIыпIэхэр къыдыхэлъытэгъэщтых.Къэблэгъэрэ тхьаумафэм пчэдыжьым сыхьатыр 9-м ыныкъом шыгъачъэр къызэIуахыщт, къэгъэчъэгъухэр 10-м рагъэжьэщтых.