Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ Росгвардием ишъолъыр ГъэIорышIапIэ лицензиехэмрэ Iизын тхылъхэмрэ ятыгъэнхэмкIэ и Гупчэ ипащэ игуадзэу хабзэр зыукъуагъэм игъогупэ пибзыкIыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэм яматериалхэр IэубытыпIэ къызыфишIызэ, Урысые Федерацием и Следственнэ комитет Адыгэ РеспубликэмкIэ иследственнэ гъэIорышIапIэ Урысыем и Уголовнэ кодекс ия 226-рэ статья ия 3-рэ Iахь, ия 222-рэ статья ия 7-рэ Iахь адиштэу бзэджэш1агъэ зезыхьагъэм уголовнэ Iофхэр къыфызэIуихыгъэх.ХэбзэухъумакIохэм зэрагъэунэфыгъэмкIэ, Гупчэм ипащэ игуадзэ Урысыем щыпсэурэ хъулъфыгъэм гынкIэ орэ Iашэр къыздырихьакIынэу фитыныгъэ къезытыщтыгъэ Iизын тхылъым ипIалъэ зэрикIыгъэм епхыгъэу ар къыIихыгъ. ЕтIанэ IэнатIэу зыIутыр къызфигъэфедэзэ, сомэ 100000-кIэ нэмыкI горэм хэбзэнчъэу Iашэр рищагъ.БзэджэшIагъэм изехьан лъапсэ фэхъугъэм изэхэфын тегъэпсыхьэгъэ следственнэ Iофтхьабзэхэр джыдэдэм зэрахьэх.