Адыгэ Республикэм хэгъэгу кIоцI IофхэмкIэ и Министерствэ къуаджэу Кощхьаблэ щыпсэурэ, илъэс 43-рэ зыныбжь хъулъфыгъэм УФ-м и Уголовнэ кодекс ия 159.2-рэ статья ия 4-рэ Iахь зигугъу къышIырэ бзэджэшIагъэ зэрэзэрихьагъэм — шхъухьэкIэ ахъщэшхо къызэраIихыгъэм пае уголовнэ Iоф къыфызэIуихыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ уплъэкIун Iофтхьабзэу зэшIуихыгъэхэм якIэуххэм атетэу уголовнэ Iофыр къаIэтыгъ.Пенсиемрэ нэмыкI социальнэ тынхэмрэ къаIихынхэм пае хъулъфыгъэм къэралыгъо учреждением IэкIигъэхьагъэх къэбар нэпцIхэр (уз хьылъэхэр иIэу) зэрыт тхылъхэр. Сыдэу щытми, 2013-рэ илъэсым къыщыублагъэу 2026-рэ илъэсым нэс бюджет ахъщэу сомэ миллиони 2-м ехъу хэбзэнчъэу къызIэкIигъэхьагъ, къэралыгъом зэрар рихыгъ.Мы лъэхъаным зэхэфын Iофхэр лъагъэкIуатэх, бзэджэшIагъэр къызхэкIыгъэр агъэунэфы.