АР-м хэгъэгу кIоцI IофхэмкIэ и Министерствэ къуаджэу Кощхьаблэ щыщбзылъфыгъэу илъэс 41-рэ зыныбжьым ылъэныкъокIэ уголовнэ Iоф къызэ-Iуихыгъ.
Урысыем и Уголовнэ кодекс ия 159.2-рэ статья ия 4-рэ Iахь къыщыдэлъытэгъэ бзэджэшIагъэ зэрихьагъэу, гъэпцIагъэкIэ ахъщэшхо къызIэкIигъэхьагъэу ар агъэмысэ.ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ уплъэкIунэу зэхищагъэхэмкIэ къыгъэхьазырыгъэ материалхэм къапкъырыкIхэзэ ар къызэIуахыгъ.Бзылъфыгъэм уз гъэнэфагъэ иIэу къэзыгъэлъэгъорэ тхылъ нэпцIхэр къыгъэхьазырхи, сэкъатныгъэ иIэм фэдэу ыгъэпсыгъ. Нэужым ащ пае страхованиемкIэ пенсие къыфэкIонэу лъэIу тхылъ ытыгъ. Аущтэу сомэ миллиони 2-м ехъу бюджет ахъщэу ыштагъ.Мы уахътэм зэхэфынхэр макIох, ащ фэдэ бзэджэшIагъэ бзылъфыгъэм зэрихьаным ушъхьагъоу фэхъугъэр зэрагъашIэ.