Адыгеим щыпсэурэ илъэс 18 зыныбжь кIалэм Урысыем и Уголовнэ кодекс ия 272.1-рэ статья ия 3-рэ Iахь къыдилъытэрэ бзэджэшIагъэ зэрэзэрихьагъэр Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ къыхигъэщыгъ.
ЗэрагъэунэфыгъэмкIэ, зэгуцафэхэрэр Московскэ хэкум, Адыгэ Республикэм ыкIи Краснодар краим защыIэ лъэхъаным компьютерхэм цIыфхэм ашъхьэ фэгъэхьыгъэ къэбарэу адэлъыр социальнэ хъытыу зэфэшъхьафхэмрэ мессенджерхэмрэ япхыгъэу ыгъэфедэнхэр ары гухэлъ шъхьаIэу иIагъэр, чIыпIэ хэушъхьафыкIыгъэхэм сим-картэхэри ащищэщтыгъэх.Урысыем и Следственнэ комитет Адыгэ РеспубликэмкIэ иследственнэ гъэIорышIапIэ иIофышIэхэм лъыхъон Iофтхьабзэу зэрахьагъэхэм ыкIи къаIэкIэхьэгъэ материалхэм яшIуагъэкIэ бзэджашIэм фэгъэхьыгъэ уголовнэ Iоф къызэIуахыгъ.