Адыгэкъалэ дэт муниципальнэ сымэджэщэу К. М. Батмэным ыцIэ зыхьырэм иврач шъхьаIэ игуадзэщтыгъэ ЛIыIэпIэ Риммэ къыпаIэтыгъэ уголовнэ IофымкIэ Теуцожь район хьыкумым кIэух унашъор ыштагъ.
Урысыем и Уголовнэ кодекс ия 159.2-рэ статья ия 4-рэ Iахь зигугъу къышIырэ бзэджэшIагъэ зэрихьагъэкIэ ар агъэмысагъ.Нафэ къызэрэхъугъэмкIэ, къэбар нэпцIхэр зэрыт тхылъхэу Р. С. ЛIыIапIэм аIэкIигъэхьагъэхэм социальнэ ахъщэ къы1ук1эным ифитыныгъэ къезытырэ сэкъатныгъэ иIэ фэдэу ащыгъэнэфэгъагъ.Сэкъатныгъэ зиIэхэм атефэрэ страховой пенсиер фагъэуцуным зыщыкIэлъэIурэ тхылъыр ащ арихьылIагъ. Джащ тетэу сомэ мин 920-м ехъурэ бюджет ахъщэ врач шъхьаIэм игуадзэщтыгъэм гъэпцIагъэкIэ къызIэкIигъэхьагъ.Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ зэхищэгъэ уплъэкIуным икIэуххэм атетэу уголовнэ Iофыр къызэIуихыгъ ыкIи зэхифыгъ Адыгэ Республикэм хэгъэгу кIоцI IофхэмкIэ и Министерствэ.Урысыем и Уголовнэ кодекс ия 159.2-рэ статья ия 4-рэ Iахь диштэу Теуцожь район хьыкумым Р. С. ЛIыIапIэм условнэу илъэсищ тырилъхьагъ.Урысыем щынэгъончъэнымкIэи Федеральнэ къулыкъуАдыгэ РеспубликэмкIэ и ГъэIорышIапIэ ипресс-къулыкъу