Атлетикэ псынкIэмкIэ зэнэкъокъухэр къалэу Краснодар щыкIуагъэх. Зыныбжь илъэс 14-м емыхъугъэ кIалэхэмрэ пшъашъэхэмрэ заушэтыгъ.
Олимпийскэ резервым иреспубликэ спорт еджапIэу N 1-м зыщызыгъасэхэрэм гъэхъэгъэшIухэр ашIыгъэх, текIоныгъэ ыкIи хагъэунэфыкIырэ чIыпIэхэр къыдахыгъэх.Спорт еджапIэм къызэрэщаIуагъэмкIэ, атлетикэ псынкIэм илъэныкъохэу пкIэнымрэ къызэдэчъэнымрэ къыздыхэлъытэгъэхэ зэнэкъокъум Вероника Потоцкаям ятIонэрэ чIыпIэр къыщыдихыгъ. «Двоеборьем» зыщызыушэтыгъэ Варвара Иваненкэм текIоныгъэ къыдихыгъ, Вероника Потоцкаямрэ Екатерина Головиновамрэ ящэнэрэ хъугъэх. Къызэдэчъэнымрэ лъагэу удэпкIэенымрэ къыздыхэлъытэгъэхэ зэнэкъокъум джэрз медаль къыщихьыгъ Николетта Людвиг. ЗэкIэми анахь гъэшIэгъоныгъэр команднэ эстафетэр ары. Адыгеир къэзыгъэлъэгъогъэхэ Вероника Потоцкаям, Николетта Людвиг, Екатерина Головиновам ыкIи Варвара Иваненкэм пэрытныгъэр аубытыгъ, ащ дакIоу зыныбжь илъэс 14-м емыхъугъэхэм азыфагу рекордыкIэ щигъэуцугъ.Спортсменхэр зыгъасэхэрэр тренерхэу Евгений ыкIи Екатерина Потоцкаяхэр, Светлана Парфеновар.