ИтекIоныгъэхэм ахегъахъо

ФутболымкIэ Урысыем ипервенствэ иятIонэрэ лигэ хэт Мыекъопэ «Зэкъошныгъэм» я 13-рэ турым къыдыхэлъытэгъэ ешIэгъоу иIагъэм текIоныгъэ къыщыдихыгъ.

Республикэм икъэлэ шъхьаIэ ихьэкIагъ зэнэкъокъум я 15-рэ чIыпIэр щызыIыгъ Ростов хэкур къэзыгъэлъэгъорэ «Чайка-М-р».«Зэкъошныгъ» — «Чайка-М» — 3:0 (0:0).Къэлапчъэм Iэгуаор дэзыдзагъэхэр: Делэкъо Аскэр (я 58-рэ такъикъыр), Зезэрэхьэ Артур (я 80-рэ такъикъыр), Эдди Цанава (я 81-рэ такъикъыр).«Зэкъошныгъэм» щешIагъэх:Хачировыр (къэлэпчъэIут), Черджиевыр, Юшко, Васильевыр, Коблыр (Цанава), Блэгъожъыр, Хьэхыр (Едыджыр), Къэбжыр, Къонэр (Зезэрахьэр), Делэкъор (Iащэр).Тренер шъхьаIэр — Александр Кайвановыр.«Чайка-М-м» хэтыгъэх:Завалеевыр (къэлэпчъэIут), Бугаевыр (Хачаевыр), Тереховыр, Брикса (Корневыр), Петровыр, Ладыченкэр, Мударовыр (Бабченкэр), Е. Кузьминыр (Игнатенкэр), Василенкэр (Кузьминыр), Козаченкэр, Веселовскэр.Тренер шъхьаIэр – Александр Куровыр.

Апэрэ едзыгъом хьакIэхэр нахь лъэшэу щешIагъэх. Пчъагъэр къызэIуахынымкIэ ахэм амал заулэ яIагъ, ау тикъэлэпчъэIутэу Тамерлан Хачировыр мыщ дэжьым цыхьэшIэгъоу ешIагъ. ЯтIонэрэ таймым бысымхэм яешIакIэ рагъэхъугъ, я 58-рэ такъикъым Къонэ Амир командэм икапитанэу Делэкъо Аскэр Iэгуа­ор IэкIигъэхьагъ, ар къэлапчъэм дэуагъ ыкIи пчъагъэр 1:0 ышIыгъ. «Зэкъошныгъэм» итренер шъхьаIэ футболистхэм ащыщхэр зэблихъу­гъэх, ешIапIэм къихьагъэх Эдди Цанава, Едыдж Тамирлан, Iащэ Анзор ыкIи Зезэрэхьэ Артур. Ащ фэдэ екIолIакIэм шIуагъэ къы­тыгъ, я 80-рэ такъикъым метрэ 16-кIэ къэлапчъэм пэчыжьэу Зезэрахьэм тазырыр ыгъэцэкIагъ ыкIи пчъагъэр 2:0 ышIыгъ. Зы такъикъ тешIагъэу Цанава ящэнэрэ Iэ­гуаор къэлапчъэм дидзагъ, 3:0-у зэIукIэгъур аухыгъ. Ау мы пчъагъэм емылъытыгъэу, тикомандэ текIоныгъэр къыдихыныр къы­фэпсынкIагъэп.— Непэ тызыIукIэгъэ командэм ешIэкIэ дэгъу къыгъэлъэгъуагъ, тикъэлапчъэ Iэгуаор къыдидзэнымкIэ амалхэри иIагъэх. Нахь лъэшэу тешIэнэу сыфай, ау текIоныгъэр къыдэтхыгъ, арышъ, ыпэкIэ тылъэкIуатэ, — къыIуагъ «Зэкъошныгъэм» итренер шъхьа­Iэу Александр Кайвановым.Мы аужырэ зэIукIэгъуихым «Зэкъошныгъэм» текIоныгъитф къащыдихыгъ. ЕшIэгъуитф хъу­гъэу Тамирлан Хачировым къэлапчъэм Iэгуаор къыдаригъа­дзэрэп.Я 13-рэ турым изэфэхьысыжьхэр:«Нефтяник» — «Рубин Ялта» — 2:1, «Спартак-Налщык» — «Заря» — 3:0, «Ангушт» — «Рос­тов-2» — 1:2, «Нарт» — «Шахтер» — 1:1, «Зэкъошныгъ» — «Чайка-М» — 3:0, «Астрахань» — «Севастополь» — 1:2, «Динамо-2» — «Кызылташ» — 2:3.«ПСК-р» зэнэкъокъум зэрэхэкIыжьыгъэм къыхэкIэу ар зыIукIэгъэ командэхэм очкоу къахьыгъэхэр аIахыжьыгъ. Турнир таблицэм «Зэкъошныгъэр» я 4-рэ чIыпIэм щыт. КъыкIэлъы­кIощт турым ар Симферополь щешIэщт, мэкъуогъум и 27-м «Кызылташым» IукIэщт.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Севастополь» — 29.
2. «Шахтер» — 26.
3. «Ростов-2» — 25.
4. «Зэкъошныгъ» — 21.
5. «Кызылташ» — 20.
6. «Спартак-Налщык» — 20.
7. «Рубин Ялта» — 19.
8. «Нарт» — 18.
9. «Победа» — 17.
10. «Нефтяник» — 15.
11. «Ангушт» — 13.
12. «Астрахань» — 12.
13. «Заря» — 12.
14. «Динамо-2» — 8.
15. «Чайка-М» — 1.