ЦIыфхэр ригъэблэгъагъэх

Урысые Федерацием и Президентэу Владимир Путиным пшъэрылъ къызэрэфишIыгъэм тетэу Адыгеим и ЛIышъхьэу КъумпIыл Мурат Урысыем и Президент иприемнэу Адыгэ Республикэм щыIэм цIыфхэр щыригъэблэгъагъэх.

Урысые Федерацием и Президентэу Владимир Путиным пшъэрылъ къызэрэфишIыгъэм тетэу Адыгеим и ЛIышъхьэу КъумпIыл Мурат Урысыем и Президент иприемнэу Адыгэ Республикэм щыIэм цIыфхэр щыригъэблэгъагъэх.Iофтхьабзэм хэлэжьагъэх федеральнэ инспектор шъхьаIэу Сергей Дрокиныр, АР-м ипрокурорэу Игорь Шевченкэр, АР-м гъэсэныгъэмрэ шIэныгъэмрэкIэ иминистрэу Евгений Лебедевыр, псауныгъэр къэухъумэгъэнымкIэ министрэу Мэрэтыкъо Рустем, архитектурэмкIэ ыкIи къэлэгъэпсынымкIэ Комитетым итхьаматэу Зезэрыхьэ Азэмат, Мые­къуапэ имэрэу Геннадий Митрофано-выр, муниципалитетхэм ялIыкIохэр.Мыекъопэ, Джэджэ, Красногвардейскэ районхэм ащыпсэухэрэм ащыщхэм ащ зыкъыфагъэзагъ. Ахэр анахьэу зыгъэгумэкIыщтыгъэхэр социальнэ Iофыгъохэр ары: медицинэ фэIо-фашIэхэм ягъэцэкIэн, гъэсэныгъэм, псэупIэхэм язэтегъэпсыхьан.

ПсэупIэу Сергиевскэм дэс Татьяна Любченкэр — сабыииплI зиIэр — япсэу­пIэ дэт кIэлэцIыкIу IыгъыпIэ закъоу «Ивушка» зыфиIорэм игъэцэкIэжьынкIэ IэпыIэгъу къафэхъуным къыкIэлъэIугъ. 1965-рэ илъэсым ар зэрагъэпсыгъэр, зыгорэхэр зэрэрашIылIагъэхэр, ау гъэцэ­кIэжьын IофшIэнхэр зэрэщымыкIуа­гъэхэр ащ къыIотагъ. АР-м гъэсэны­гъэм­рэ шIэныгъэмрэкIэ иминистрэ къызэриIуагъэмкIэ, республикэм илъэIу тхылъэу Урысые Федерацием просвещениемкIэ и Министерствэ къызыдыригъэштагъэм мы кIэлэцIыкIу IыгъыпIэр хэфагъ. УФ-м икъэралыгъо программэу «Гъэсэныгъэм зыкъегъэIэтыгъэныр» зыфиIорэм къыдыхэлъытагъэу Адыгеим субсидие къыратыщт. 2027-рэ илъэсым IофшIэн гъэ­нэфагъэхэр зэрихьащтых. А гухэлъхэм сомэ миллион 18 фэдиз апэIухьащт. Ащ нэмыкIэу кIэлэцIыкIу IыгъыпIэм чIагъэу­цощт Iэмэ-псымакIэм пайи мылъку къы­хагъэкIыщт. ИщыкIэгъэ Iофтхьабзэхэр псынкIэу зэрахьанхэу, мыгъэ IофшIэнхэр псэолъэшIхэм рагъэжьэнхэм пае гъэцэ­кIэжьыным фежьэнхэу КъумпIыл Мурат пшъэрылъ афишIыгъ.

Красногвардейскэ районым щыпсэурэ Владимир Стародубцевым Хьати­къуае дэт амбулаторием игъэцэкIэжьын епхыгъэ IофыгъомкIэ зыкъыфигъэзагъ. АР-м псауныгъэр къэухъумэгъэнымкIэ иминистрэ къызэриIуагъэмкIэ, мыщкIэ ищыкIэгъэ унашъор аштэгъах. Шъолъыр программэу «Адыгэ Республикэм иIэзапIэхэр уахътэм диштэу зэтегъэпсыхьэгъэнхэр» зыфиIорэм тетэу гъэцэкIэжьын IофшIэнхэр мыгъэ аухыщтых. Ащ пае сомэ миллион 23,5-рэ къыхагъэкIыгъ. Джыдэдэм IофшIэнхэм япроцент 72-р агъэцэкIэгъах. КъумпIыл Мурат къуаджэр зыгъэгумэкIырэ нэмыкI Iофыгъо­хэми къакIэупчIагъ. Хьатикъуае дэсхэм ацIэкIэ Владимир Стародубцевым Адыгеим и ЛIышъхьэ «тхьауегъэпсэу» риIуагъ бэмышIэу псыкъиуным къыздихьыгъэ тхьамыкIагъор зыщыдагъэзыжьыгъэ псэупIэм ынаIэ къызэрэтыригъэтыгъэм фэшI. ЫпэкIэ кIэлэцIыкIу IыгъыпIэри, культурэм и Уни, псауныгъэр зыщагъэпытэрэ физкультурэ гупчэри, гъогухэри Хьатикъуае щагъэцэкIэ­жьыгъагъэх. Джы амбулаториер зыпкъ игъэуцожьыгъэным ыуж итых.Къутырэу Гавердовскэм дэс Андрей Полегенький Адыгеим и ЛIышъхьэ ри­Iуагъ къутырдэсхэм СНТ зэхащэ зэра­шIоигъор, ащкIэ тхылъ зэрагъэхьазырыгъэр. Ащ пае чIыгу Iахьхэм ястатус зэблэхъугъэн, мэкъумэщ мэхьанэ зиIэ чIыгу Iахьхэр чъыгхэтэлэжьыпIэ мысатыу объединениекIэ зэблэхъужьыгъэнхэ фае. Ащ епхыгъэу правовой Iофтхьэбзабэ зехьэгъэн фаеу зэрэхъущтыр тхьаматэм къыIуагъ. КъумпIыл Мурат мы Iофыр икъоу зэхафынэу, хэбзэгъэуцугъэм ди­штэу унэшъо тэрэз штэгъэным фэшI про­куратурэри, къалэм иадминистрации ащ къыхагъэлэжьэнэу пшъэрылъ афи­шIыгъ.Мыекъуапэ щыщ Елена Бастиани къа­лэм ипащэхэм зэрялъэIугъэр санитар унэхэр Мыекъуапэ щызэтегъэпсыхьэ­гъэнхэр ары. КъумпIыл Мурат пшъэрылъ зэрафишIыгъэм тетэу 2026-рэ илъэсыр имыкIызэ микрорайонэу Черемушкэм, ТекIоныгъэм ибульвар пэблагъэу, «Мэз­дахэ» дэжь санитар унэхэр щагъэпсыщтых. Джащ фэдэу Свято-Успенскэ чылысым дэжь щашIырэ скверми псыунэ дагъэуцощт.Адыгеим и ЛIышъхьэ агу къызэри­гъэкIыжьыгъэмкIэ, къэлэдэсхэмрэ ащ ихьакIэхэмрэ ящыIэкIэ-псэукIэ зыкъе­гъэIэтыгъэным лъэшэу анаIэ тырагъэты. Общественнэ чIыпIэхэм язэтегъэпсы­хьанкIэ ищыкIэгъэ Iофтхьабзэхэр зэра­хьэх, джырэ шапхъэхэм адиштэрэ зыгъэпсэфыпIэ чIыпIакIэхэр агъэпсых. Къэлэдэсхэми, зекIохэми якIуапIэ ахэр мэхъух. Къалэр зэтырагъэпсыхьэ, зыгъэпсэфыпIэ чIыпIэхэр агъэкIэжьыхэ зыхъукIэ, лъэныкъо пстэури амал зэриIэкIэ къыдалъытэнэу Адыгеим и ЛIы­шъхьэ афигъэпытагъ.Муниципалитетхэм япащэхэм пшъэ­рылъ афашIыгъ псэупIэ пэпчъ къэбзэным, инфраструктурэр гъэпсыгъэным, социальнэ псэуалъэхэр гъэкIэжьыгъэнхэм, гъогухэмрэ коммуникациехэмрэ ягъэцэкIэжьын лъэшэу гъунэ алъафынэу.«Тэ пшъэрылъэу тиIэр цIыфхэм ящыIэкIэ-псэукIэ зыкъедгъэIэтыныр ары. Джащ пае зыгъэгумэкIыхэрэ Iофыгъохэм язэшIо­хын лъэшэу тынаIэ тетэгъэты. Iофыгъохэм ащыщыбэм ягъэцэ­кIэн фежьагъэх. Социальнэ псэуа­лъэхэм ягъэцэкIэжьын нахь лъэшэу гъунэ зылъытфы­хэрэм ащыщ. Хэгъэгум и Президентэу Владимир Путиным ­къытфишIыгъэ пшъэрылъэу ар щыт. ЦIыфхэм ягумэкIыгъохэм тапэкIи защыдгъэгъозэщт, тхы­лъэу къытахьылIэхэрэм тахэплъэщт, партиеу «Единэ Россием» инароднэ программэ щыгъэнэфэгъэ пшъэрылъхэр ­дгъэцэкIэщтых, цIыфхэр зыгъэгумэкIырэ Iофыгъохэр зэшIотхыщтых», — къыIуагъ Адыгеим и ЛIышъхьэ.АР-м и ЛIышъхьэ ипресс-къулыкъу къытырэ къэбархэмкIэЛIышэ Саныет.