А. Гусев
«ШIэжьым ишэф остыгъ» зыфиIорэ концерт-реквиемыр мэкъуогъум и 21-м Адыгэ Республикэм щыкIощт. ДзэкIолIхэу, цIыф къызэрыкIохэу хэгъэгум ишъхьафитыныгъэ пае зыпсэ зытыгъэхэр агу къагъэкIыжьхэзэ, зэхэгъэнэгъэ шэф остыгъэхэмкIэ сурэтхэмрэ гущыIэхэмрэ зэхагъэуцощтых. Iофтхьабзэм нэбгырэ 1500-рэ фэдиз хэлэжьэщт. Къэлэдэсхэр ащ хэлэжьэнхэу къетэгъэблагъэх. Мэкъуогъум и 21-м Мыекъуапэ иурамэу Промышленнэм, заом хэкIодагъэхэм афэгъэхьыгъэ къэлэ саугъэтым дэжь, пчыхьэм сыхьатыр 9-м щегъэжьагъэу 11-м ыныкъом нэс ар щыкIощт.
Хэгъэгу зэошхор къызежьагъэр илъэс 85-рэ зэрэхъурэм фэгъэхьыгъэ шIэжь Iофтхьабзэхэр мэкъуогъум и 22-м Мыекъуапэ щызэхащэщтых. Зэхэт саугъэтым дэжь шъыгъо зэхахьэ щыкIощт.Iофтхьабзэм хэлажьэхэрэр Хэгъэгум иухъумакIоу фэхыгъэхэм зы такъикъэ афэшъыгъощтых, къэгъагъэхэр ЕгъэшIэрэ машIом кIэлъыралъхьащтых. Хэбзэ къулыкъухэм, ветеран, общественнэ организациехэм ялIыкIохэр, къэлэдэсхэр ыкIи Мыекъуапэ ихьакIэхэр Iофтхьабзэм хэлэжьэнэу къетэгъэблагъэх. Пчэдыжьым сыхьатыр 9-м ар рагъэжьэщт.