Псауныгъэр къэзыухъумэхэу лъытэныгъэ зыфэтшIыхэрэр!
Шъуисэнэхьат епхыгъэ мэфэкIымкIэ тышъуфэгушIо!Медицинэ IофышIэу щытын зылъэкIыщтхэр зыгуи зыпси Iофым хэзылъхьэхэрэр, IэпэIэсэныгъэшхорэ гукIэгъурэ зыхэлъхэр, хымэ лыузыр зэхэзышIэхэрэр, ренэу зишIэныгъэ хэзыгъахъохэрэр ары. Илъэсым исыд фэдэрэ уахъти, чэщэу е мафэу орэхъу, кIуачIэу шъуиIэр зэшъухьылIэрэр цIыфхэм ящыIэныгъэрэ япсауныгъэрэ къэухъумэгъэнхэр ары. Шъо лъытэныгъэшхо къызыкIышъуфашIырэр мафэ къэс цIыфхэм шIу зэрафашъушIэрэм, пытагъэрэ гукIэгъурэ къызэрэзхэжъугъафэрэм апай.Джары медицинэ IофышIэхэм ямэфэкI зэкIэри тызкIызэрипхырэр. Адыгэ Республикэм щыпсэухэрэм «тхьэшъуегъэпсэу» араIо чIыпIэ къин зефэхэм IэпыIэгъу къафэхъугъэ, зынаIэ къатезыгъэтыгъэ медицинэ IофышIэхэм.Адыгеим псауныгъэр къэухъумэгъэнымкIэ икъулыкъухэм хэхъоныгъэ ашIыным ренэу гъунэ зэрэлъытфырэр хэгъэунэфыкIыгъэн фае. Сымэджэщхэмрэ IэзапIэхэмрэ ягъэкIэжьынкIэ, джырэ уахътэм диштэрэ диагностическэ Iэмэ-псымэхэр яIэнхэмкIэ, пэрыт технологиехэр ахэм къызфагъэфедэнхэмкIэ республикэм Iофышхо щызэшIуахы. Медицинэ гупчакIэхэр зэрагъэпсырэм, учреждениехэр зэрагъэцэкIэжьхэрэм, джырэ шапхъэхэм адиштэрэ техникэр къызэраIэкIахьэрэм яшIуагъэкIэ псауныгъэм икъэухъумэн фэгъэзэгъэ къулыкъухэм нахь шIуагъэ къытэу Iоф ашIэ хъугъэ.Мэхьанэшхо зиIэ лъэныкъом лъэшэу тынаIэ тапэкIи тедгъэтыщт. Медицинэ IофышIэхэм IэпыIэгъу ятыгъэныр, учреждениехэр гъэкIэжьыгъэнхэр, ящыкIэгъэ амалхэр сымаджэхэм ягъэгъотыгъэныр апшъэрэ мэхьанэ зэттырэмэ ащыщых.Медицинэ IофышIэхэм цIыфхэм ящыIэныгъэ къагъэнэжьынымкIэ, IэпыIэгъу аратынымкIэ ищыкIэгъэ амалхэр афызэхэщэгъэнхэмкIэ тфэлъэкIырэр зэкIэ тапэкIи тшIэщт.Адыгеим имедицинэ IофышIэ пстэуми яIоф зэрэфэшъыпкъэхэм фэшI тызэрафэразэр ятэIо.Ныбджэгъу лъапIэхэр, шъуисэнэхьаткIэ лъэгэпIакIэхэм шъуанэсынэу, Iофэу ешъухьыжьэхэрэм гъэхъагъэхэр ащышъушIынэу, шъуигухэлъхэр къыжъудэхъунэу шъуфэтэIо, республикэм ис пстэуми псауныгъэ пытэ яIэнэу, ягъашIэ кIыхьэ хъунэу, ашъхьи, къапэблагъэхэри къагъэгъунэнхэу, спортым пылъынхэу, медицинэ IофышIэхэм цыхьэ афашIынэу тафэлъаIо!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и СекретарэуКъумпIыл МуратАдыгэ Республикэм и Къэралыгъо Совет — Хасэм и ТхьаматэуВладимир Нарожнэр