Шъхьафит бэнэнымкIэ Урысые зэнэкъокъухэр Къэрэщэе-Щэрджэс Республикэм икъэлэ шъхьаIэ щыкIуагъэх. Къыблэ ыкIи Темыр-Кавказ федеральнэ шъолъырхэм ялIыкIохэр ары зызыушэтыгъэхэр.
Олимпийскэ резервым испорт еджапIэу Тэхъутэмыкъое районым щыIэм ибэнакIохэм турнирым дэгъу дэдэу зыкъыщагъэлъэгъуагъ, хагъэунэфыкIырэ чIыпIищ къыдахыгъ. ХьацIэцIэ Дамир зэIукIэгъоу иIагъэхэм зэкIэми текIоныгъэ къащыдихыгъ, дышъэ медаль къыхьыгъ. Муслим Менлиалиевымрэ Ваис Аблезовымрэ ятIонэрэ хъугъэх. Тиспортсменхэм къуаджэу АдыгеякIэм зыщагъасэ, Магомед Исмаиловыр ятренер.