УФ-м теннис цIыкIумкIэ и Федерацие ипрограммэу «Урысыем инеущырэ маф» зыфиIорэм къыдыхэлъытагъэу мэкъуогъум и 23-м къыщегъэжьагъэу и 26-м нэс мы спорт лъэпкъымкIэ зэнэкъокъухэр Мыекъуапэ щыкIощтых.
Зыныбжь илъэс 12-м, 14-м ыкIи 18-м емыхъугъэхэр турнирым зэфищэщтых. Джырэ уахътэм ехъулIэу ащ хэлэжьэн гухэлъ зиIэ нэбгырэ 200 фэдизмэ ялъэIу тхылъхэр зэхэщакIохэм аIэкIагъэхьагъэх. Ахэм ащыщэу 40-р Адыгеим щыщых. Джащ фэдэу спортсменхэр Краснодар ыкIи Ставрополь крайхэм, Ростов хэкум ыкIи Къырым къарыкIыщтых.