Физкультурэ-спорт Iофтхьабзэу «IофшIэным ыкIи зыкъэухъумэжьыным сафэхьазыр» зыфиIорэм итхьамафэ мэкъуогъум и 22-м къыщегъэжьагъэу и 27-м нэс республикэм икъэлэ шъхьаIэ щыкIощт.
Мыщ ныбжьым ыкIи ухьазырыныгъэм ямылъытыгъэу фаехэр зэкIэ хэлэжьэнхэ, зыщаушэтын алъэкIыщт алъэкIыщт. Ащ пае физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм иофициальнэ сайт зыщарагъэтхын, япсауныгъэ изытет шапхъэхэм зэрадиштэрэр къэзыушыхьатырэ медицинэ тхьапэр IэзапIэм къыIахын фае.Iофтхьабзэр республикэ стадионэу «Зэкъошныгъэм» щырагъэкIокIыщт. Ащ хэлажьэхэрэм мэкъуогъум и 22 — 23-м пчэдыжьым сыхьатыр 10-м, мэкъуогъум и 24 – 26-м мафэм сы-хьатыр 4-м, мэкъуогъум и 27-м сыхьатыр 5-м шапхъэхэр атынхэ амал яIэщт.Пшъэрылъыр зэрагъэцэкIагъэм елъытыгъэу дышъэ, тыжьын ыкIи джэрз бгъэхалъхьэхэр къэзылэжьыгъэхэм аратыщтых. Iофтхьабзэм икIэщакIор Мыекъуапэ физическэ культурэмкIэ ыкIи спортымкIэ и Комитет.