Лъэпкъ проектэу «Унагъу» зыфиIорэм диштэу искусствэхэмкIэ кIэлэцIыкIу еджапIэу N 3-м мэкъэмэ Iэмэ-псымакIэхэр — рояльрэ пианинэрэ къыфащэфыгъэх.
Адыгэ Республикэм культурэмкIэ и Министерствэ къызэритыгъэмкIэ, ахэм кIэлэцIыкIухэм арагъэгъотырэ гъэсэныгъэм нахь зыкъырагъэIэтыщт, творческэ амалэу яIэхэм нахь зыкъызэIурагъэхыщт.— Къэралыгъо программэу «Культурэм зыкъегъэIэтыгъэныр» зыфиIорэм диштэу гъэцэкIэжьын IофшIэнхэр мы еджапIэм ыкIэм щыфэкIох. ИскусствэхэмкIэ кIэлэцIыкIу еджапIэм икIэлэегъаджэхэми, гъэсэныгъэ щызэзыгъэгъотыхэрэми джырэ шапхъэхэм адиштэу агъэкIэжьыгъэ унэм илъэсыкIэ еджэгъур щырагъэжьэжьыщт, — къытыгъ Адыгэ Республикэм культурэмкIэ и Министерствэ.Шъугу къэдгъэкIыжьын лъэпкъ проектэу «Унагъу» зыфиIорэм къыдыхэлъытэгъэ федеральнэ проектэу «Унагъом щагъэлъапIэхэрэмрэ культурэм иинфраструктурэрэ» зыфиIорэм диштэу искусствэхэмкIэ кIэлэцIыкIу еджапIэу псэупIэу Каменномостскэм дэтми роялыкIэрэ пианинакIэрэ чIэтхэ зэрэхъугъэр. Мэкъэмэ Iэмэ-псымэхэр, зэреджэрэ тхылъхэр ыкIи нэмыкIхэр ращэфынхэм пае искусствэхэмкIэ еджапIэхэм пстэумкIи сомэ миллиони 8,6-м ехъу къафыхагъэкIыщт.