Урысыем и Мафэ фэгъэхьыгъэу

Хабзэ зэрэхъугъэу, Урысыем и Мафэ Адыгеим игъэкIо­тыгъэу щыхагъэунэфыкIыгъ, мэфэкI Iофтхьэбзабэ щы­зэ­ха­щагъ. Ахэм ащыщых яIофшIэн гъэхъагъэхэр щызышIыгъэхэм ягъэшIон, ныбжьыкIэхэм паспортхэр ятыгъэнхэр, мэфэкI къэгъэлъэгъонхэр, нэмыкIхэри. Ахэм зэкIэми зэкIэлъыкIоу шъуащыдгъэгъозэщт.

Пэрытхэр агъэшIуагъэх

Федеральнэ, республикэ къэралыгъо тынхэр къызыфагъэшъошагъэхэр Урысыем и Мафэ ехъулIэу Адыгеим ща­гъэшIуагъэх. Адыгэ Республикэм и ЛIышъхьэу КъумпIыл Мурат зыхэлэжьэгъэ Iофтхьабзэр республикэ филармонием щыкIуагъ.Ащ хэлэжьагъэх АР-м и Къэралыгъо Совет — Хасэм и Тхьаматэ игуадзэу Цэй Эдуард, федеральнэ инспектор шъхьаIэу Сергей Дрокиныр, Урысыем IофшIэнымкIэ и ЛIыхъужъэу, тхакIоу, общественнэ IофышIэшхоу МэщбэшIэ Исхьакъ, хэбзэ къулыкъухэм, общественнэ движениехэм ялIыкIохэр.Тынхэр къызыфагъэшъошагъэхэм къахэфагъэх политическэ, общественнэ IофышIэхэр, хэбзэухъумэкIо къулыкъухэм ащылажьэхэрэр, псауныгъэм икъэухъумэн, гъэсэныгъэм, социальнэ лъэныкъом, псэолъэшIыным, унэ-коммунальнэ хъызмэтым, къыдэгъэкIыжыным, мэкъу-мэщым, культурэм, спортым яIофышIэхэр, предприятиехэм япащэхэр, къэралыгъо, муниципальнэ къулыкъушIэхэр.Iофтхьабзэм хэлажьэхэрэмрэ ихьа­кIэхэмрэ шIуфэс къарихи, республикэм и ЛIышъхьэ къэралыгъо тынхэр къызыфагъэшъошагъэхэм афэгушIуагъ, Адыге­имрэ Урысыемрэ нахь фэшIыгъэ хъунхэм яIахьышIоу хашIыхьэрэм ифэшъошэ уасэ къызэрэфашIыгъэр мы Iофтхьабзэм къызэриушыхьатырэр ащ къыхигъэщыгъ.«Урысыем и Мафэ ехъулIэу шъузэрэдгъашIорэр лъэшэу сигуап. ЛIэужхэр пытэу зэрэзэпхыгъэхэр, хэгъэгум ифедэ зыхэлъ гъэпсын Iофхэм тишъыпкъэу тызэрапылъын фаер мы мэфэкIым тыгу къегъэкIыжьы. Сыда пIомэ тикъэралыгъо ибаиныгъэ шъхьаIэу щытхэр Хэгъэгум фэшъыпкъэ, ащ къырыкIощтымкIэ пшъэ­дэкIыжь зэрахьырэр къызыгурыIорэ, неущырэ мафэм пае хьалэлэу лэжьэрэ цIыфхэр ары», — къыIуагъ КъумпIыл Мурат.Тын лъапIэхэр къызыфагъэшъоша­гъэхэм яIоф хэшIыкIышхо зэрэфыряIэр, экономикэм, социальнэ лъэныкъом, цIыфхэм ящынэгъончъэн яIахь зэрахашIыхьэрэр республикэм ипащэ хи­гъэунэфыкIыгъ.Адыгеим и ЛIышъхьэ АР-м и Къэралыгъо Совет — Хасэм и Тхьаматэ игуадзэу Iэщэ Мухьамэд фэгушIуагъ Урысыем и Президент и УказкIэ Щытхъум иорден къызэрэфагъэшъошагъэм фэшI. Парламентарием IофшIэкIэшIу IэкIэлъ зэрэхъугъэр, хэшIыкIышхо иIоф зэрэфыриIэр АР-м и ЛIышъхьэ къыхигъэщыгъ.

Илъэсыбэ хъугъэу гуетыныгъэ фыряIэу Iоф зэрашIэрэм фэшI АР-м иминистрэхэм я Кабинет и Тхьаматэ игуа­дзэу ЛIыхэсэ Махьмудрэ АР-м мэзхэмкIэ и ГъэIорышIапIэ ипащэу Былымыхьэ Рэщыдрэ орденэу «Хэгъэгум ыпашъхьэ гъэхъагъэхэр зэрэщыряIэхэм фэшI» зыфиIоу я II-рэ шъуашэ зиIэм имедаль къафагъэшъошагъ.«Къулыкъухэм япащэхэу, республикэм ихэбзэ къулыкъухэм ялIыкIохэу мыщ чIэсхэм дэгъоу Iоф зэрашIэрэр хэзгъэу­нэфыкIынэу сыфай. Къэралыгъо гъэIорышIэным, къулыкъухэм яхэхъоныгъэ яIахьышIу зэрахашIыхьэрэм фэшI ахэм «тхьашъуегъэпсэу» ясэIо. Республикэм зыпкъитыныгъэ илъыныр, сыд фэдэрэ лъэныкъуи шIуагъэ къытэу щылэжьэнхэр апэрэ чэзыоу зэлъытыгъэр пэщэныгъэ зэрэзэрахьэрэ шIыкIэр ары», — къы­Iуагъ КъумпIыл Мурат.Республикэм ипащэ къыIотагъ АР-м и ЛIышъхьэрэ иминистрэхэм я Кабинетрэ я Администрацие ипащэу Владимир Свеженецрэ отставкэм щыIэ хьыкумышIэу Анна Выставкинамрэ IофшIэ­кIэшIу аIэкIэлъ зэрэхъугъэр, медалэу «Адыгеим и Щытхъузехь» зыфиIорэр ахэм къазэрафагъэшъошагъэр. Къэралыгъо гъэIорышIэнми, хэбзэихъухьан Iофми яIахь зэрэхашIыхьэрэр ащ къыхигъэщыгъ. Красногвардейскэ районым инароднэ депутатхэм я Совет итхьаматэу Анна Выставкинар гуетыныгъэ фыриIэу зэрэлажьэрэр, цIыфхэм яIофыгъохэм язэшIохын зэригъэгумэкIырэр къыIуагъ.ШIушIэ проектхэм зиIахь ахэзы­шIы­хьэрэ, хэушъхьафыкIыгъэ дзэ операцием хэлэжьэрэ дзэкIолIхэм IэпыIэгъу язытырэ бизнесменхэм къатегущыIэзэ, КъумпIыл Мурат пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Картонтарэм» игъэцэкIэкIо пащэу Сергей Погодиным иIофшIэн осэшхо къыритыгъ. Предприятием ипащэ щытхъуцIэу «Урысые Федерацием мэз промышленностымкIэ изаслуженнэ IофышI» зыфиIорэр къыфагъэшъошагъ.ПсэолъэшIынымкIэ гъэхъагъэхэр зэриIэхэм фэшI Iахьзэхэлъ обществэу «ГъогушI гъэIорышIапIэу N 3-м» иинженер шъхьаIэу Даур Азэмат щытхъуцIэу «Урысые Федерацием изаслуженнэ псэолъэшI» зыфиIорэр къыфагъэ­шъошагъ.Унэе предпринимателэу ДзэлI Ас­кэррэ пшъэдэкIыжьэу ыхьырэмкIэ гъунэп­къэ гъэнэфагъэ зиIэ обществэу «Дортранссервис» зыфиIорэм ипащэу Хьабэхъу Аскэррэ орденэу «Хэгъэгум ыпашъхьэ гъэхъагъэхэр зэрэщыряIэхэм фэшI» зыфиIоу я II-рэ шъуашэ зиIэм имедаль къафагъэшъошагъ. Ахэм проектипшI пчъагъэ агъэцэкIагъ: еджапIэхэр, кIэлэцIыкIу IыгъыпIэхэр, спорт псэуа­лъэхэр ашIыгъэх, мэхьанэшхо зиIэ ­гъогу псэуалъэхэр Адыгеимрэ Краснодар краимрэ ащагъэпсыгъэх. Джащ фэдэу псэолъэшIхэм Херсон хэкум щыпсэу­хэрэми IэпыIэгъушхо араты.Илъэс 40 хъугъэу врачэу Iоф зышIэрэ, псауныгъэм икъэухъумэнкIэ министрэу щытыгъэ Борсэ Мухьамэд дэгъоу зэ­рэлажьэрэр республикэм и ЛIышъхьэ къыхигъэщыгъ. ЩытхъуцIэу «Урысые Федерацием изаслуженнэ врач» зыфиIорэр къызыфагъэшъошагъэм рес­публикэ сымэджэщым гу-лъынтфэ хирургиемкIэ иотделение пэщэныгъэ непэ дызэрехьэ.«Псауныгъэм имэшIокухэм» ащы­лэ­жьэрэ медицинэ бригадэхэм ахэтхэу Херсон хэкум исхэм IэпыIэгъу афэхъурэ специалистхэми лъэшэу зэрафэразэр КъумпIыл Мурат шъхьафэу къыхигъэ­щыгъ.Джащ фэдэу Адыгеим Пшызэ шъо­лъырымрэ Къэбэртэе-Бэлъкъарымрэ ялIыкIохэм зэдэлэжьэныгъэ пытэ зэ­радыриIэр Iофтхьабзэм щыхагъэунэфыкIыгъ. ГущыIэм пае, Краснодар краим игубернатор игуадзэу Дмитрий Масловым щытхъуцIэу «АР-м псэупIэ-коммунальнэ хъызмэтымкIэ изаслуженнэ IофышI» зыфиIорэр, КъБР-м и Къэ­ралыгъо мэкъэмэ театрэ иартистэу Къумыкъу Мухьадин щытхъуцIэу«АР-м культурэмкIэ изаслуженнэ IофышI» зыфиIорэр, хьисапымкIэ кIэ­лэегъаджэу ТIопсэ районым ис Тхьаркъохъо Заремэ щыт­хъуцIэу «АР-м гъэ­сэныгъэмкIэ изаслуженнэ IофышI» зыфиIорэр къафагъэ­шъошагъэх.Урысыем и Президент ирэзэныгъэ тхылъхэр къызэратыгъэхэр: АР-м псэо­лъэшIынымкIэ, транспортымкIэ, псэупIэ-коммунальнэ, гъогу хъызмэтымкIэ иминистрэу Валерий Картамышевыр, пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Элитым» иагрономэу Батырбый Рэщыд, мэ­къумэщышIэ-фермер хъызмэтшIапIэм щылажьэу Елена Бедановар, мэкъу-мэщ артелэу «Восходым» иводителэу Виктор Гавва, пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Кубань» зыфиIорэм имеханикэу Владимир Дудниковыр, мэкъу-мэщ артелэу «Восходым» имеханизаторэу Евгений Ермошиныр, пшъэдэ­кIыжьэу ыхьырэмкIэ гъунэпкъэ гъэнэфагъэ зиIэ обществэу «Премиумым» имеханизаторэу Василий Заволодько, мэкъумэщышIэ-фермер хъызмэтшапIэм имеханизаторэу Зезэрыхьэ Бислъан, мэкъумэщышIэ-фермер хъызмэтшапIэм имеханизаторэу Виктор Миженскэр, АР-м иминистрэхэм я Кабинет и Тхьаматэ игуадзэу, АР-м финансхэмкIэ иминистрэу Виктор Орловыр, къэралыгъо, муниципальнэ фэIо-фашIэхэм ягъэцэкIэнкIэ МФЦ-м икуп ипащэу Татьяна Скосаревар, пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «ПсэолъэшI-монтаж гъэIорышIапIэу N 2-м» иучасткэ ипащэу Хьабэхъу Юрэ мы мафэм агъэшIуа­гъэх.Джащ фэдэу Урысые Федерацием ишъолъырыкIэхэм IэпыIэгъу зэрафэ­хъугъэхэм фэшI УФ-м и Президент ирэзэныгъэ тхылъхэр къызыфагъэшъошагъэхэм: Мыекъопэ къэлэ кIэлэцIыкIу сымэджэщым имедсестрау Людмила Дорофеевам, пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Дортранссервисым» иIофышIэу Кэстэнэ Нэфсэт, Адыгэ республикэ кIэлэцIыкIу клиникэ сымэджэщым ивра­чэу Мадина Магомедовам, пшъэдэ­кIыжьэу ыхьырэмкIэ гъунэпкъэ гъэнэфагъэ зиIэ обществэу «Форвард» иинженерэу Мария Молчановам, АР-м псэолъэшIынымкIэ и Министерствэ иконсультантэу Пэкъэ Сарэ, пшъэдэ­кIыжьэу ыхьырэмкIэ гъунэпкъэ гъэнэфагъэ зиIэ обществэу «Стройинвестым» игенеральнэ пащэу Станислав Сосна, пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Теплодар» ипащэу Максим Ушаковым, ­Мыекъопэ къэлэ IэзапIэм иотделение ипащэу Шъынэхъо Заремэ Iофтхьабзэм щафэгушIуагъэх.Мафэ къэс зиIофшIэнкIэ экономикэм зыкъезыгъэIэтыхэрэм, шэн-хабзэхэр къэзыухъумэхэрэм, кIэлэцIыкIухэм яегъэ­джэн, цIыфхэм яIофыгъохэм лъэшэу агъэгумэкIыхэрэм, пшъэрылъхэр чIыпIэ­хэм ащызэшIозыхыхэрэм, правовой гъэIорышIэным лъапсэ фэзышIыхэрэм «тхьашъуегъэпсэу» республикэм ипащэ ариIуагъ.«Тиреспубликэ рэхьатныгъэу илъым шъощ фэдэхэр ары лъэпсэ пытэ фэзышIыхэрэр. ШъуиIоф шъузэрэфэшъыпкъэм, цIыфхэм хьалэлэу шъузэрафэлажьэрэм афэшI «тхьашъуегъэпсэу» шъосэIо. Тын лъапIэхэр къызэрэшъуфагъэшъошагъэмкIэ, Урысыем и МафэкIэ джыри зэ сышъуфэгушIо!» — къыIуагъ КъумпIыл Мурат.АР-м и ЛIышъхьэ ипресс-къулыкъу къытырэ къэбархэмкIэЛIышэ Саныет.