Адыгэ Республикэм и Къэралыгъо Совет — Хасэм ия 58-рэ зэхэсыгъо 2026-рэ илъэсым мэкъуогъум и 17-м щыIэщт.
Зэхэсыгъом зыщыхэплъэщтхэм мыщ къыкIэлъыкIорэ Iофыгъохэр ахагъэхьагъэх: законопроектхэу «АР-м изаконхэу «ЦIыфхэмрэ хьылъэхэмрэ таксикIэ зэрэзэращэхэрэмкIэ зэфыщытыкIэ заулэ гъэтэрэзыгъэным ехьылIагъ» зыфиIорэм, «Физическэ культурэмрэ спортымрэ яхьылIагъ» зыфиIорэм зэхъокIыныгъэхэр афэшIыгъэнхэм фэгъэхьыгъэм» ятIонэрэу ахэплъэгъэныр; законопроектхэу «2025-рэ илъэсымкIэ АР-м иреспубликэ бюджет зэрагъэцэкIагъэм ехьылIагъ» зыфиIорэм, «2025-рэ илъэсымкIэ АР-м шIокI зимыIэ медицинэ страхованиемкIэ и ЧIыпIэ фонд ибюджет зэрагъэцэкIагъэм ехьылIагъ», «АР-м изаконхэу «Предпринимательствэ цIыкIумрэ гурытымрэ Адыгэ Республикэм защегъэушъомбгъугъэным ехьылIагъ», «Тыкъэзыуцухьэрэ дунаим икъэухъумэн епхыгъэ зэфыщытыкIэхэмкIэ АР-м икъэралыгъо хэбзэ къулыкъухэм яполномочиехэр зэрагъэцакIэхэрэм ехьылIагъ», «Лъэпкъ художественнэ IэшIагъэхэм яхьылIагъ», «Урысыем щыпсэурэ лъэпкъхэм якультурэ кIэнэу (тарихъымрэ культурэмрэ ясаугъэтхэу) АР-м итхэр къызэтегъэнэжьыгъэнхэмкIэ, ахэм ягъэфедэнкIэ ыкIи якъэухъумэнкIэ Iофыгъо заулэ зэшIохыгъэным ехьылIагъ» зыфиIохэрэм зэхъокIыныгъэхэр афэшIыгъэнхэм фэгъэхьыгъэм» апэрэу ахэплъэгъэныр ыкIи нэмыкI Iофыгъохэр.АР-м и Къэралыгъо Совет — Хасэм изэхэсыгъо АР-м и ЛIышъхьэ и Координационнэ гупчэ (Жуковскэм иурам, 22) сыхьатыр 10-м щырагъэжьэщт.АР-м и Къэралыгъо Совет — Хасэм и Тхьаматэ игуадзэу, мэкъумэщ политикэмкIэ, мылъкумрэ чIыгумрэ япхыгъэ зэфыщытыкIэхэмкIэ икомитет итхьаматэу Цэй Эдуард