Урысыем и МафэкIэ тышъуфэгушIо!
Къэралыгъо мэфэкIышхохэм ащыщыр ти Хэгъэгу исуверенитет, ащ щыпсэурэ цIыф лъэпкъыбэмэ языкIыныгъэрэ язэкъотныгъэрэ ятамыгъэу щыт.Тарихъ гъогушхо къызэрэткIугъэр, тятэжъ пIашъэхэм гукIочIэшхо зэряIагъэр, неущырэ мафэмкIэ пшъэдэкIыжь зэрэтхьырэр мэкъуогъум и 12-м нахь лъэшэу зэхэтэшIэ. Къэралыгъом имызакъоу, лъэпкъ зэфэшъхьафхэм къахэкIыгъэхэу, дин зэфэмыдэхэр зылэжьхэу, хэбзэ-зэхэтыкIэ зэфэшъхьафхэм арыгъуазэхэу Урысыем щыпсэухэрэми мы мафэм ящытхъу тэIо. Джырэ лъэхъаным диштэрэ къэралыгъо лъэш Урысыер хъунымкIэ, ифэшъошэ чIыпIэ дунаим щиубытынымкIэ зыкIыныгъэр ары лъэпсэ пытэу щытыр.Мы мэфэкIым тикъэралыгъо шIулъэгъоу фытиIэр нахь ерэгъэпыт, Урысыем ифедэ зыхэлъ текIоныгъакIэхэм такъыфырегъэIэт, тихэгъэгушхо тызэрэрыгушхорэм херэгъахъу!АIэ зэкIэдзагъэу Адыгеим исхэр зэрэзэдэлажьэхэрэр, яхэгъэгу шIу зэралъэгъурэр, къэралыгъом ищыIэныгъэ чанэу зэрэхэлажьэхэрэр Урысыем ифедэ зыхэлъ текIоныгъакIэхэм лъэпсэшIу зэрафэхъущтхэм тицыхьэ телъ!ТичIыпIэгъу лъапIэхэр, гуетыныгъэ шъухэлъэу шъузэрэлажьэрэм, шъуичIыгу гупсэ шъузэрэфэшъыпкъэм, тиреспублики, Урысыери нахь фэшIыгъэ хъунхэм шъуиIахьышIу зэрэхэшъушIыхьэрэм апае «тхьэшъуегъэпсэу» шъотэIо. ТидзэкIолIхэу неонацизмэм непэ ебэныжьхэрэм, тикъэралыгъо нахь лъэш зышIы зышIоигъохэм лъэшэу тафэраз.Адыгеим ис пстэуми псауныгъэ пытэ, щыIэкIэ-псэукIэ дэгъу яIэнэу, ти Хэгъэгушхо – Урысые Федерацием пае IофышIоу рахьыжьэрэ пстэуми гъэхъагъэхэр ащашIынэу тафэлъаIо!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и СекретарэуКъумпIыл МуратАдыгэ Республикэм и Къэралыгъо Совет – Хасэм и ТхьаматэуВладимир Нарожнэр