Я 6-рэ чIыпIэм къэкIуагъ

ФутболымкIэ Урысыем ипервенствэ иятIонэрэ лигэ хэт «Зэкъошныгъэм» я 11-рэ турым къыдыхэлъытэгъэ ешIэгъоу иIагъэр къыхьыгъ. Мыекъуапэ ихьэкIагъ псэупIэу Первореченскэр къэзыгъэлъэгъорэ «ПСК-р». Мы командэхэр аужэу зызэIукIагъэхэр Урысыем и Кубок икъыдэхын фэгъэхьыгъэ зэнэкъокъур ары. Ащыгъум охътэ шъхьаIэр 1:1-у аухыгъагъ, пенальтикIэ 10:9-у «ПСК-м» текIоныгъэр къыдихыгъагъ.

«Зэкъошныгъ» — «ПСК» — 4:0 (2:0).Къэлапчъэм Iэгуаор дэзыдзагъэхэр: Делэкъо Аскэр (я 3-рэ такъикъыр), Хьэх Тамерлан (я 23-рэ такъикъыр), Аркадий Солоп (я 55-рэ такъикъыр), Кобл Заид (я 90-рэ такъикъыр).«Зэкъошныгъэм» щешIагъэх:Хачировыр (къэлэпчъэIут), Солоп, Черджиевыр, Къэбжыр, Цанава, Васильевыр (ХъуакIор), Блэгъожъыр, Юшко (Едыджыр), Хьэхыр (Зезэрахьэр), Къонэр (Коблыр), Делэкъор (Хьапыщтыр).

Тренер шъхьаIэр — Александр Кайвановыр.«ПСК-м» хэты­гъэх:Паневыр (къэлэп­чъэIут), Федосеевыр (Финько), А. Михайловыр (Горбашовыр), Козеновыр, Жоховыр, Красновыр (Желанниковыр), Таранда, Моргуновыр (Баранцовыр), Мкртчян (Д. Михайловыр), Воротниковыр, Мирзоевыр.Тренер шъхьаIэр — Владимир Кухлевскэр.Апэрэ такъикъхэм къащегъэжьагъэу бы­сым­хэм ешIэкIэ лъэш къагъэлъэгъуагъ. Я 3-рэ такъикъым тикомандэ икапитанэу Делэкъо Аскэр пчъагъэр къызэIуихыгъ. Тифутболистхэм ащ кIуачIэ къаритыгъ ыкIи я 23-рэ такъи­къым Хьэх Тамерлан пчъагъэр 2:0 ышIыгъ. Мыщ дэжьым тикъэлэпчъэIутэу Тамерлан Хачировым IэпэIэсэныгъэ­шхо зэрэхэлъыр къыгъэшъыпкъэ­жьыгъ, цыхьэшIэгъоу ешIагъ.ЯтIонэрэ едзыгъоми «Зэкъошныгъэр» хэпшIыкIэу нахь щылъэ­шыгъ. Аркадий Солопрэ Кобл Заидрэ зырызэ къэлапчъэм Iэ­гуаор дадзагъ, 4:0-у тикомандэ текIоныгъэр къыди­хыгъ. Мы и­лъэс ешIэгъум апэрэу тифутболистхэм къэлапчъэм IэгоуиплI дадзагъ.— Командэ лъэшым тытекIон зэрэтлъэкIыгъэр сигуапэ, къэлап­чъэм Iэгоуабэ дэтыдзэн зэрэтлъэ­кIыгъэми сигъэрэзагъ, — къы­Iуагъ «Зэкъошныгъэм» итренер шъхьа­Iэу Александр Кайвановым.Я 11-рэ турым изэфэхьысыжьхэр:«Нефтяник» — «Ростов-2» — 1:3, «Спартак-Налщык» — «Кызылташ» — 0:1, «Нарт» — «Севастополь» — 0:1, «Зэкъошныгъ» — «ПСК» — 4:0, «Победа» — «Чайка-М» — 4:0, «Ангушт» — «Рубин Ялта» — 0:1, «Астрахань» — «Шахтер» — 0:3, «Динамо-2» — «Заря» — 2:1.Турнир таблицэм зэхъокIыныгъэхэр фэхъугъэх. ЗэкIэми анахь шъхьаIэр «Зэкъошныгъэр» я 6-рэ чIыпIэм къызэрэкIуагъэр ары. Пэрытныгъэр ыIыгъ донецкэ «Шахтерым», къыкIэлъыкIощт турым тикомандэ ащ дешIэщт, зэIукIэгъур мэкъуогъум и 13-м къалэу Таганрог щыкIощт.Командэхэр зыдэщыт чIыпIэ­хэр ыкIи очко пчъагъэу рагъэ­къугъэр:

1. «Шахтер» — 28.
2. «Севастополь» — 24.
3. «Ростов-2» — 24.
4. «Кызылташ» — 20.
5. «Рубин Ялта» — 18.
6. «Зэкъошныгъ» — 18.
7. «Победа» — 17.
8. «ПСК» — 17.
9. «Спартак-Налщык» — 16.
10. «Нарт» — 15.
11. «Ангушт» — 13.
12. «Астрахань» — 12.
13. «Заря» — 9.
14. «Нефтяник» — 9.
15. «Динамо-2» — 7.
16. «Чайка-М» — 1.