Лъэпкъ чемпионатэу «Абилимпикс» зыфиIорэм хэхьащтхэм якъыхэхын джырэкIэ лъэкIуатэ. Шъолъыр едзыгъом текIоныгъэ къыщыдэзыхыгъэхэр джы кIэух уцугъом ихьанхэу зэнэкъокъух.
Ахэм Адыгеим щыщхэри ахэтых. Къалэу Ставрополь щыкIогъэ Iофтхьабзэм республикэм щыщхэм зэрифэшъуашэу зыкъыщагъэлъэгъуагъ, текIоныгъэ къыщыдахыгъ.Дэным ылъэныкъокIэ апэрэ чIыпIэ къыхьыгъ Залина Джафаровам. ЗипсауныгъэкIэ илэгъухэм акIэмыхьэрэ еджапIэм ар икIэлэеджакIу. ПсэолъэшIынымкIэ ыкIи штукатурнэ IофымкIэ анахь дэгъоу зыкъыгъэлъэгъуагъ Александр Лашиным. Мыекъопэ индустриальнэ техникумым икIэлэегъаджэхэу Татьяна Шукалэрэ кIэлэегъэджэ-гъэсакIоу Светлана Назаренкэмрэ ахэр агъэхьазырыгъэх.ТекIоныгъэ къызэрэдахыгъэм ишIуагъэкIэ Залинэрэ Александррэ зэнэкъокъум ифиналэу Москва щыкIощтым хэлэжьэщтых.Лъэпкъ проектэу «НыбжьыкIэхэмрэ кIэлэцIыкIухэмрэ» зыфиIорэм ифедеральнэ проектэу «Профессионалитетым» къыдыхэлъытагъэу «Абилимпиксыр» зэхащэ.