Лъэпшъыкъо Ф.
Федеральнэ проектэу «Iэрыфэгъу къэлэ щыIакIэ гъэпсыгъэныр» зыфиIорэм къыдыхэлъытагъэу зэтырагъэпсыхьащт чIыпIэхэм якъыхэхынкIэ Урысые онлайн-мэкъэтынэу мы уахътэм кIорэм псэупIэу Красногвардейскэр хэлажьэ.
Ащ ичIыпIитIу цIыфхэм амакъэхэр афатынхэу къырагъэуцуагъэр: цIыфхэм зызщагъэпсэфыщт паркымрэ общественнэ чIыпIэу Черемушкэмрэ.Красногвардейскэ районым иадминистрацие ныбжьыкIэ IофхэмкIэ иотдел ипащэу Абэсэ Мурат зыIудгъэкIагъ, тигъусэу зигугъу къэтшIыгъэ чIыпIэхэм тащыIагъ.
— ЦIыфхэр къыхэлажьэзэ агъэпсырэ бюджетымкIэ чIыпIэхэм язэтегъэпсыхьан фэгъэхьыгъэ зэхэсыгъохэр илъэс къэс щызэхэтэщэх. Районым ипсэупIэхэм, чIыпIэ зыгъэIорышIэжьыпIэхэм ялIыкIохэр ащ щызэIокIэх, общественнэ чIыпIэхэм язэтегъэпсыхьан, гъогухэм яшIын, нэмыкIхэми цIыфхэр къахэгъэлэжьэгъэнхэм иIофыгъохэм атегущыIэх. Федеральнэ проектэу «Iэрыфэгъу къэлэ щыIакIэ гъэпсыгъэныр» зыфиIорэм къыдыхэлъытагъэу зэтырагъэпсыхьащт чIыпIэхэм якъыхэхынкIэ онлайн-мэкъэтыныр рекIокIы, — къеIуатэ Мурат.Абэсэ Мурат къызэриIуагъэмкIэ, мыщ къыщыуцущтхэп, джыри тапэкIэ Iоф зыдашIэщт лъэныкъохэр щыIэх, ахэм ягъэцэкIэн дэлэжьэщтых.ЛъэпшъыкъоФатим.