Адыгеим щыщ бзылъфыгъэу илъэс 45-рэ зыныбжьыр агъэмысэ Урысыем и Уголовнэ кодекс ия 291-рэ статья иа 1-рэ Iахь къыдилъытэрэ бзэджэшIагъэ зэрэзэрихьагъэм — къуалъхьэ зэраритыгъэм фэшI.
Урысыем и ФСБ и Следственнэ гъэIорышIапIэу Адыгэ Республикэм щыIэм иIофышIэхэм зэшIуахы-гъэ оперативнэ-лъыхъон Iофтхьабзэхэм яшIуагъэкIэ къаIэкIэхьэгъэ материалхэм атетэу уголовнэ Iофыр къаIэтыгъ.ЗэрагъэунэфыгъэмкIэ, къэрэгъулэ унэе предприятием ипащэ ифедэ хэлъэу а бзылъфыгъэм Росгвардием и ГъэIорышIапIэ лицензиехэр ятыгъэнхэмкIэ иотдел иIофышIэ зыфигъэзагъ лицензиер нахь псынкIэу къаритыным пIалъэу пылъыр ыгъэкIэкIыным пае къуалъхьэкIэ ишIуагъэ къыригъэкIынэу.2026-рэ илъэсым мэлылъфэгъум и 2-м бзылъфыгъэм ащ зыIуигъакIи, сомэ мини 10 ритыгъ. Зэхэубытагъэу пстэумкIи ащ IэкIигъэхьагъэр сомэ мин 30.Уголовнэ Iофыр хьыкумым IэкIагъэхьагъ нахь игъэкIотыгъэу хэплъэнхэм пае.