Урысыем и Следственнэ комитет Адыгэ РеспубликэмкIэ и Следственнэ гъэIорышIапIэ Краснодар краим щыщ нэбгыритIоу ыкIи нэмыкIхэу бзэджэшIагъэ зезыхьэгъэ купым хэтыгъэхэм УФ-м и Уголовнэ кодекс ия 171,2-рэ статья ия 3-рэ Iахь диштэу уголовнэ Iоф къафызэIуихыгъ.
Къэбар-телекоммуникационнэ хъытыухэр къызфагъэфедэхэзэ, ахъщэ зэрылъ джэгукIэхэм хэбзэнчъэу ахэр ахэлажьэщтыгъэх.ЗэрагъэунэфыгъэмкIэ, а бзэджэшIэ купым хэтхэм къалэу Мыекъуапэ ахъщэ зэрылъ джэгукIэхэр хэбзэнчъэу щызэхащэщтыгъэх. Ащ пае ящыкIэгъэщт Iэмэ-псымэхэри къызIэкIагъэхьэгъагъэх, ахэр Интернетым пашIэхэти, ахъщэ зэрылъ джэгукIэхэр зэхащэщтыгъэх.2026-рэ илъэсым жъоныгъуакIэм ашIыгъэ уплъэкIунхэм къызэрагъэлъэгъуагъэмкIэ, Краснодар щыщ нэбгыритIум языр администраторыгъ, яIофшIэн зэпыу фэмыхъуным лъыплъэщтыгъ, ащ игъусэгъэ бзылъфыгъэм бухгалтер IофшIэныр ыгъэцакIэщтыгъ.Хэбзэнчъэ организацием зэрэхэтхэр къэзыушыхьатырэ пкъыгъохэр яунэхэм къарагъотагъэх: компьютер техникэр, ахъщэхэр, документхэр ыкIи нэмыкIхэр.Мы лъэхъаным IэубытыпIэхэм якъэугъоин лъэкIуатэ, бзэджэшIагъэм ушъхьагъу фэхъугъэхэр агъэунэфых.