Къыблэ шъолъыр дзэ хьыкумым (къ. Ростов-на-Дону) илъэс 29-рэ зыныбжь Нэгъой Ибрахьимэу къалэу Мыекъуапэ щыпсэурэм уголовнэ Iоф къыфиIэтыгъ.
Урысыем и Уголовнэ кодекс ия 205.5-рэ статья ия 2-рэ Iахь къыдилъытэрэ бзэджэшIагъэ зэрэзэрихьагъэм — террористическэ организацием иIофшIэн зэрэхэлэжьагъэм пае ар агъэмысэ.Урысыем и ФСБ Адыгэ РеспубликэмкIэ и ГъэIорышIапIэ иIофышIэхэм зэрагъэунэфыгъэмкIэ, И. Р. Нэгъоир Урысые Федерацием и Апшъэрэ Хьыкум унашъоу ышIыгъэм теткIэ террористическэ организациеу алъытэрэм къэбархэмкIэ ипортал иадминистраторэу щытыгъ ыкIи организацием иIофшIэн чанэу хэлажьэщтыгъ.И. Р. Нэгъоир а организацием ителеграм-каналкIэ яIофшIэн къыдилъытэрэ шапхъэхэм ягъэцэкIэн лъыплъэщтыгъ, адыгэхэу Урысыем ишъолъырхэм арысхэм хэбзэнчъэ зэхэхьэшхохэр ашIынхэу, Урысыем адыгэ къэралыгъо шъхьафит щызэхащэным епхыгъэ сепаратист гухэлъ-гупшысэхэр пропагандэ ышIыщтыгъэх.Къыблэ-шъолъыр дзэ хьыкумым ышIыгъэ унашъом тетэу И. Р. Нэгъоим Урысыем и Уголовнэ кодекс ия 205,5-рэ статья ия 2-рэ Iахь къызэриIорэм тетэу илъэс 11 тыралъхьагъ: илъэси 2-р хьапсым щигъэкIощт, адрэ илъэсхэм пхъашэу зыщалъыплъэхэрэ колонием щыIэщт.