Урысыем и Следственнэ комитет Адыгэ РеспубликэмкIэ и ГъэIорышIапIэ пщыныжь зыщарагъэхьырэ колонием иIофышIэхэм уголовнэ Iоф къафиIэтыгъ.
Урысыем и Уголовнэ кодекс ия 286-рэ статья ия 3-рэ Iахь ипунктэу «г»-м къыдилъытэрэ бзэджэшIагъэ ахэм зэрахьагъ: ахъщэ къафыхэкIыным пае колонием Iут нэбгыритIум зэзэгъыныгъэ зэдашIыгъ агъэтIысыгъэхэм мобильнэ зэпхыныгъэм иамалхэмрэ ахэм ягъусэ пкъыгъохэмрэ шъэфэу аIэкIагъэхьанхэу.Ащ пае 2026-рэ илъэсым мэзаем и 14-м къыщегъэжьагъэу гъэтхапэм и 1-м нэс телефонхэу аIэкIагъэхьагъэхэм ялъытыгъэу колонием изы IофышIэ ибанк картэ сомэ мини 101-рэ къырагъэхьагъ.Мы лъэхъаным бзэджэшIагъэм лъапсэ фэхъугъэхэм язэхэфын макIо.ЩынэгъончъэнымкIэ Федеральнэ къулыкъум АдыгеимкIэ и ГъэIорышIапIэ ипресс-къулыкъу